7
2019.10.04

Ө.Энхтүвшин: Зөрчлийн хуулиар албан тушаалтнууд хариуцлага хүлээхгүй иргэд л торгуулдаг болсон байна

УИХ-ын 2019 оны намрын ээлжит чуулганы өнөөдрийн (2019.10.04)   үдээс хойших нэгдсэн хуралдаанаар Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай төслүүд болон хамт өргөн мэдүүлсэн хуулийн төслүүдийн хэлэлцэх эсэх асуудлыг хэлэлцэв.

УИХ-ын гишүүн Ө.Энхтүвшин

Хууль яг амьдралд нийцсэн үү үгүй юу гэдэг нь хэрэглээд эхлэх үед л мэдэгддэг. Мэргэжилийн хяналтын байгууллага үйл ажиллагаа явуулахад хоёр хууль хоорондоо зөрчилддөг. Төрийн хяналт шалгалтын хууль, зөрчлийн хууль. Байцаагч нар аль алыг нь хэрэглэх ёстой гэтэл хоорондоо зөрчилдөөд байдаг. Нэгдүгээрт энэ яаж нийцэж байна вэ?

Зөрчлийн хуулиар торгоод бай торгоод бай гээд ийм заалтууд орсон байна. Торгуулийн хэмжээ эрс нэмэгдсэн байна. Зөрчлийн хуулиар албан тушаалтнууд хариуцлага хүлээхгүй иргэд торгуулдаг л болсон байна. Энэ хэрхэн засагдсан бэ?