УИХ-ын чуулганы /2025.04.03/-ны өдрийн хуралдаанаар Монгол Улсын Ерөнхий сайдаас Улсын Их Хуралд ирүүлсэн Авлигатай тэмцэх газрын дарга З.Дашдавааг улируулан томилуулах тухай саналыг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн А.Ариунзаяа:

Ерөнхий сайд Л.Оюун-Эрдэнэд хандаж, 2023 оны гуравдугаар сарын 7-ны ЗГ-ын хуралдаанаар Эрүүл мэндийн тусламж үйлчилгээний талаар авах арга хэмжээний тухай тогтоолыг баталсан. Авлига албан тушаалын гэмт хэргийн улмаас улсад төвлөрсөн орлого, төрд хураагдсан хөрөнгийг Эх хүүхдийн эрүүл мэнд, хавдар эрхтэн шилжүүлэх суулгахад шаардлагатай  тоног төхөөрөмж, эмнэлгийн барилга барихад зарцуулах, төрд хураагдсан барилгыг эмнэлгийн журмаар ашиглах боломжийг судлан тайлагнахыг холбогдох албаны хүмүүст даалгасан. Монгол Улсад 2022 онд 2,3 их наяд, 2023 онд  238,6 тэрбум, 2024 онд 240,9 тэрбум, гадаад улсад 2021-2024 онд 13,9 сая ам.долларын үнэ бүхий хулгайлагдсан хөрөнгийг улсын орлого болгожээ. Сарын дараа Хүүхдийн байгууллага байгуулагдсаны 100 жилийн ой тохион. Та энэ бодлого дээрээ хэвээрээ байгаа юу? Авлига бол нийгмийн хорт хавдар мөн. Дээрх хөрөнгийг хүүхдэд, нийгмийн бүтээн байгуулалтад зарцуулах боломж байгаа юу?

Авлигын индексийн үзүүлэлтээр АТГ-ын ажлыг үнэлж болохгүй. Гадаадад оргон зайлсан 34 хүнээс 11-ийг нь авчирсан гээд ажлууд үргэлжилж байна. ОУ-д байгаа дүр төрхөө сайжруулахын тулд АТГ дан ганцаараа бус бүх нийтээрээ хамтрах ёстойг ойлгож байгаа. УИХ-ын хувьд ямар хууль тогтоомж баталбал энэ үнэлгээнд нөлөөлөхийг З.Дашдаваа та хэрхэн харж байна вэ?

Түүний асуултад Ерөнхий сайд Л.Оюун-Эрдэнэ, АТГ-ын дарга З.Дашдаваа нар хариуллаа