ХБХ-ны өнөөдрийн \2021.03.24\ хуралдаанаар Хүний эрх хамгаалагчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Д.Цогтбаатар 2020.05.07-ны өдөр өргөн мэдүүлсэн/ хуулийн төслийг хэлэлцлээ. 

УИХ-ын гишүүн Ш.Адьшаа:

Хүний эрхийн үндэсний комисс гэх УИХ-ын үндэсний комисс сонгогдоод ажиллаж байгаа. Энэ хүмүүсийн үйл ажиллагаанд эргэлзэх байдал төрж байна. Сүүлийн хэд хоногт Чмигээ гэх эмэгтэйг эрүүдэн шүүсэн гэх асуудал гарсан. Гэтэл ХЭҮК-ийн гишүүн Энхболд их сонин зүйл ярисан. Хүний эрх зөрчсөн зөрчөөгүйг бид судалж байгаад шийднэ гэсэн. Ямар учиртайг ойлгохгүй байгаа. 

Нэгэнт тэр бичлэг цацагдаад хүний эрхийг зөрчсөн байна гэж Ерөнхий сайд, хуульзүйн сайд хариуцлагатай зүйл хийж байхад энэ комисс эсрэг юм ярьсан.