УИХ-ын чуулганы /2025.04.04/-ний өдрийн хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хэлэлцэж буй асуудалтай хобогдуулан гишүүд асуулт асуулаа.

УИХ-ын гишүүн П.Сайнзориг: 

Хуулийн төслийг хэлэлцэхийг зарчмын хувьд дэмжиж байна. Мөрийтэй тоглоом нэлээн асуудал үүсэж, сөрөг үр дагаврууд их авчирч байгаа. Гэхдээ бид олон нийтэд зөв мэдээлэл өгмөөр байна. Спорт бэйтинг гэхээсээ илүүтэйгээр, спорт бэйтийн хууль бус сайт ажиллуулдаг нөхдүүдэд дамжуулж линк байршуулах замаар, цахим казинод оруулж тоглуулаад байгаа байхгүй юу. Ерөөсөө л тэр. Өнөөдөр 5 зуугаад сая доллар гадагшаа гарсан гэж байгаа боловч, 60 орчим сая нь спорт бэйттэй холбоотой. 430-аад сая доллар нь цахим казино руу орсон гэдэг сураг байгаа.

Энэ хуулиарсөрөг үр дагавартай зүйл, цахим мөрийтэй тоглоомын асуудлыг бүрэн хориглоно гэж хэлж байгаа. Шийдэх бололцоотой эсэхийг хуулийн төсөл санаачилж байгаа хүмүүс хэлж өгнө үү. Хууль батлагдсанаар сөрөг үр дагавар 100% зогсох уу. 100% зогсохгүй бол хэн хариуцлагыг нь хүлээх вэ. Бүгд ай пи хаягаа өөрчлөлтүүд ороод ирдэг, олон улсын банкны карт аваад гадагшаа их мөнгө урсах юм биш биз. Ийм зүйл дээр энэ хууль бүрэн хаалт болж чадах уу?

Түүний асуултад УИХ-ын гишүүн Н.Учрал гишүүн хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn