УИХ-ын Төсвийн байнгын хорооны өнөөдрийн /2020.04.07 хуралдаанаар Коронавируст халдвар /СОVID-19/-ын цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний тухай Улсын Их Хурлын тогтоолын төсөлтэй хамт өргөн мэдүүлсэн Аж ахуйн нэгжийн орлогын албан татвараас хөнгөлөх, чөлөөлөх тухай, Татварын алданги, торгуулиас чөлөөлөх тухай, Хувь хүний орлогын албан татвараас чөлөөлөх тухай, Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай, Нийгмийн даатгалын шимтгэлээс чөлөөлөх, ажилгүйдлийн даатгалын сангаас дэмжлэг үзүүлэх тухай, Нийгмийн даатгалын шимтгэл төлөгчийг торгох шийтгэл, алдангиас чөлөөлөх тухай, Олон Улсын гэрээний тухай хуульд нэмэлт оруулах тухай хуулийн төслүүд /Засгийн газар 2020.04.02-ны өдөр өргөн мэдүүлсэн, хэлэлцэх эсэх/; хэлэлцэж байна.

Тогтоолын төсөл батлагдсанаар коронавируст халдварын цар тахлын үед аж ахуйн нэгжийн бизнесийн үйл ажиллагааг дэмжих чиглэлээр батлагдах хуулиудын хэрэгжилт эрчимжиж, төрийн санхүүгийн мөнгөн хөрөнгийг оновчтой, үр ашигтай удирдах боломж бүрдэнэ. Төсөлтэй холбогдуулан гишүүд Сангийн сайдаас асуулт, тодруулга авч байна.

УИХ-ын гишүүн Д.Оюунхорол

Коронавируст халдвар /СОVID-19/-ын цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээг дэмжиж байна. Өнөөдөр дэлхий нийтээрээ энэ талаар ярьж өдөрт хэдэн мянган хүн халдвар авч нас барж байна. Монгол Улсын засгийн газар цар тахал дэгдсэн энэ хүнд үед цаг алдалгүй ямар асуудлуудыг шийдвэрлэх боломжтой вэ гэдэг асуудлаа оруулж ирж байгаа нь зарчмыг хувьд зөв. Энэ үед бид улс төр хийж хэн нэгэн ашиг хонжоо олох шаардлагагүй эвлэлдэн нэгдэж, зөвшилцөж ойлголцож хүн төвтэй төрийн бодлого шийдвэрийг яаралтай гаргах цаг үе ирсэн. 

Эдийн засгийг идэвхжүүлэх цогц арга хэмжээг авах хэрэгтэй. О.Баасанхүү гишүүн хэлж байна. НДШ-ээс чөлөөлөх, ажилгүйдлийн даатгалын сангаас дэмжлэг үзүүлэхдээ ААН, иргэдийг аль болох ялгаварлахгүй байх тал дээр анхаараач гэсэн саналыг гаргаж байна. Энэ дээр ажлын хэсэг гаргаж нарийвчлан ярих шаардлага байна.