Саяхан болсон АН-ын Удирдах ажилтны зөвлөгөөнд 21 аймаг, есөн дүүрэг, 331 сумын намын дарга нар оролцож, Засгийн газрыг тогтвортой байлгаж, хийж бүтээж буй ажлын үр дүнг харах нь зөв гэдэгт санал нэгдсэн байна.

Тэд үүний тулд АН-ын бүлгийн гишүүд эв нэгдэлтэй, үзэл бодол, эрх ашиг нэгтэй байх ёс­той гэдгийг хэлж байсан юм. Тиймээс бүлгийн ги­шүүдийгээ нэгд­мэл байр суурьтай бай­хыг хүсч, АН-ын таван туганд гарын үсгээ зурж, Ерөнхийлөгч Ц.Элбэгдорж, УИХ-ын дарга З.Энхболд, АН-ын дарга Н.Алтанхуяг, УИХ дахь АН-ын бүлгийн дарга Д.Эрдэнэбат, АН-ын Ерөнхий нарийн бичгийн дарга Ц.Оюундарь нарт гардуулах уриалгыг зөв­лөгөөний үеэр гаргасан аж. 

Уриалгын дагуу АН-ын туганд аймаг, дүүрэг, сумаас ирсэн 329 төлөөлөгч гарын үсгээ зуржээ.

Тэгвэл гарын үсэг цуглуулсан АН-ын тугийг өчигдөр холбогдох хүмүүст нь гардуулж өгчээ. Ерөн­хийлөгчийг төлөөлж тугийг Ерөнхийлөгчийн Тамгын газрын дарга П.Цагаан гардаж авсан бол Ерөнхий сайд Н.Алтанхуяг, АН-ын бүлгийн дарга Д.Эрдэнэбат, АН-ын Ерөнхий нарийн бич­гийн дарга Ц.Оюундарь нар өөрийн биеэр дээрх тугийг хүлээн авлаа.

Харин УИХ-ын дарга З.Энхболдод гарын үсэгтэй тугийг өнөөдөр гар­дуулж өгөх аж. АН-ын логонд байдаг багцалсан таван сумыг бэлгэдэж, таван туганд гарын үсгээ зурсан АН-ын дарга нар эв нэгдэлтэй байж, эхэл­сэн ажлаа тогтвортой үргэлж­лүүлэхийг уриалж байна.