УИХ-ын чуулганы /2025.04.04/-ний өдрийн хуралдаанаар Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.

УИХ-ын гишүүн Ж.Золжаргал: 

Хүний эрхийг хангах чиглэлд сайжруулж байгаа дэвшилттэй заалтууд оруулж ирж байгаад баяртай байна. Гэхдээ нэмж тусгах шаардлагатай зүйлсийг бидний хэсэг нөхөд ярилцлаа. Ялангуяа шалгаж байгаа нэрээр залхаан цээрлүүлдэг, янагладаг, дарамталдаг гэх мэт 20 дугаар зууны эхэн үеийн балиар арга хэлбэрийг халахын тулд хэд хэдэн нэмэлт зохицуулалтууд хэрэгтэй.

Нэгдүгээрт, цагдаа прокурор талаасаа 24 цагийн дотор шийдвэр гаргаад баривчилдаг нөгөө талдаа "өө наадах чинь үндэслэлгүй" гээд өмгөөлөгч тал нь хүсэлт гаргахаар 14 хоногийн хугацаанд шийдвэрлэдэг. Тэгэхээр 1*14 гэсэн хугацааны ялгаа үүсэж байна. Өөрөөр хэлбэл хэрэг шалган шийдвэрлэхэд оролцогч талуудын тэгш эрхтэй байх зарчим хангагдахгүй байна!

Сэтгүүлч

Сэтгүүлч Б.Хонгорсайхан