Дархан-Уул аймгийн ҮЭ-ийн холбооны ҮЭ-ийн хорооны дарга нарын туршлага солилцох уулзалт /2022.05.12/ боллоо. Уулзалтын эхэнд тус аймгийн ҮЭ-ийн холбооны анхан шатны хороодын дарга нар МҮЭ-ийн холбооны Ерөнхийлөгч С.Эрдэнэбат, Ерөнхий нарийн бичгийн дарга Х.Буянжаргалтай нартай уулзаж МҮЭ-ийн холбооноос хийж хэрэгжүүлж байгаа ажил, Хөгжлийн хөтөлбөрийн талаар мэдээлэл сонсож, Дархан-Уул аймгийн ҮЭ-ийн иргэд, хөдөлмөрчдийн өмнө тулгамдаж буй асуудлыг МҮЭ-ийн холбооны зүгээс шийдвэрлэж өгөхийг хүслээ.

Тухайлбал, тэтгэврийн дунджийг долоон жил биш таван жил болгох, төрийн албан хаагчид эрүүл мэнд, боловсролын салбарын ажилтнууд болон төрийн захиргааны албан хаагчид, цаг уурчдын цалин хөлсийг нэмэгдүүлэх, их дээд сургуулиудын багш ажилтнуудын нийгмийн асуудлыг шийдвэрлэх, хөдөлмөрийн хүнд хортой нөхцөлийн А/77 тушаалд орж чадахгүй байгаа ажил мэргэжлийн жагсаалтыг шинэчлэн тогтоож шийдвэрлэх зэрэг асуудлыг хөндөж байсан юм.

Дархан-Уул аймгийн ҮЭ-ийн хороодын дарга нарын туршлага судлах айлчлал энэ сарын 12-13 өдрүүдэд үргэлжлэх ба тэд маргааш төрийн ордон, УИХ-ын чуулганы үйл ажиллагаатай танилцах, Дархан-Уул аймгаас сонгогдсон УИХ гишүүдтэй уулзах мөн МҮЭ-ийн Соёлын төв ордон болон Хөдөлмөр нийгмийн харилцааны дээд сургуультай танилцаж, Хөдөлмөрийн хуулийн шинэчилсэн найруулга сэдвээр сургалтад хамрагдах юм.

Сэтгүүлч

Сэтгүүлч Ц.Соёлмаа soyolmaa@vip76.mn