“Нарантуул” худалдааны төв өнөөдрөөс ердийн хуваарийн дагуу хэвийн ажиллаж эхэллээ.

Нийслэлийн онцгой комиссын дарга, Улаанбаатар хотын захирагч Э.Бат-Үүл “Нарантуул” худалдааны төвд өнгөрөгч баасан гаригт гарсан галын шалтгааныг тодруулах ажлын хэсэгтэй уулзаад, гал гарсан хүнсний захыг хашаагаар тусгаарласны дараа буюу наймдугаар сарын 26-ны даваа гаригаас эхлэн ажиллуулах үүрэг өгсөн.

Гэсэн ч “Нарантуул” олон улсын худалдааны төвийн түрээслэгчид сурагч, оюутнуудын хичээл, сургууль эхлэх дөхсөн энэ үеэр наймаачдын орлогыг хааж байна гэж эсэргүүцсэн юм. Тиймээс өнөөдрөөс эхлэн “Нарантуул” олон улсын худалдааны төв ажиллаж байна.