Нийслэлийн Иргэдийн төлөөлөгчдийн хурлын дарга Д.Баттулга тэргүүтэй төлөөлөгчид Москва хотноо айлчилж байна.

Үүний хүрээнд тус хотын Думын тэргүүн Алексей Шапошниковтой уулзан, хамтран ажиллах гэрээ байгуулсан. Энэ хүрээнд талууд ирэх онд Москва хотноо Монголын ард түмэнд зориулсан хөшөө барих талаар ярилцсан байна.

Алексей Шапошников "Дэлхийн хоёрдугаар дайнд ЗХУ-ын талд орж, хамгийн их тусламж үзүүлсэн орон бол Монгол юм. Тиймээс фашист Германыг ялахад үнэлж баршгүй хувь нэмэр оруулсан Монголын ард түмэнд зориулсан хөшөөг Москва хотноо барих нь бидний хувьд маш чухал үйл явдал. Москва хотын захиргаанд хүсэлт гаргана” гэж мэдэгджээ.