УИХ-ын намрын чуулган сар шинийн өмнөхөн завсарласан. Харин ирэх гуравдугаар сарын 20-нд ээлжит бус чуулган хуралдах тов гараад байгаа. Чуулган завсарласан энэ өдрүүдэд Төрийн ордон нам гүмхэн байна. Гишүүдийн зарим нь гадаадад яваа бол нэг хэсэг нь хөдөө орон нутагт ажиллаж буй юм. Тэгвэл УИХ-ын зарим гишүүд хаагуур, юу хийж амарч байгаа талаар  тодруулснаа хүргэе.

-УИХ-ын намрын чуул­ган завсар­лачих­лаа. Та хаагуур ямар ажил амжуулж явна вэ?

-УИХ-ын намрын чуул­ган завсарлаад ихэнх гишүүд хөдөө орон нутагт ажиллаж байна. Миний хувьд М.Соном­пил сайдын хамт Дорнод аймагт амралт, ажлын аль алийг нь хослуулж  явна. Маргаашнаас (өнөөдөр) Улаанбаатар хот руу гарна даа.

-Яг ямар ажил ам­жуулж яваа юм бэ?

-М.Сономпил сайд Эр­чим хүчний яамны аж­лын шугамаар яваа юм.

-Дорнод аймгаар цас зуд хэр байна?

-Сайхан хавар эхэлж байна. Монгол ор­ны ихэнх нутгаар дулаа­хан, цас зуд багатай өн­тэй сайхан өвөл болж байна шүү дээ. Мон­голын сайхан урин цаг айсуй байна даа.

-Нийгмийн бодлого, Боловсрол, соёл шинж­лэх ухааны байнгын хорооныхон ажил ихтэй байх шиг байна. Байн­гын хорооныхоо ажилд оролцдоггүй юм уу?

-Байнгын хорооны­хоо ажилд оролцолгүй яахав. Манай байнгын хороо ажил ихтэй л бай­на. Байн­гын хорооныхоо харьяа төрийн албадуу­даар явж ажил байдалтай нь танил­цаж байна. Ирэх даваа гаригаас байнгын хороо­ны­хоо ажлын тай­ланг тавих юм. Мөн үлд­сэн яам­дуудынхаа ажил­тай танилцана даа. Ер нь л амралт ба­гатай л өн­гөрөх юм шиг байна.

-Тойргоос сонгогд­сон ихэнх гишүүн хө­дөө орон нутагт той­рогтоо ажиллаж байна. Та хэ­зээнээс тойрогтоо ажил­лах вэ?

-Хэд хэдэн аймагт очиж ажиллах хуваарь­тай бай­гаа. Түүний да­раа гурав­дугаар сарын эхээр тойрогтоо буюу Ховд аймагт ажиллана. Гурав­дугаар сарын 20-нд УИХ-ын ээлжит бус чуулган эхэлнэ. Тиймээс аймгийн­хаа 16 суманд ээлжит бус чуулганаас өмнө амжиж ажиллана даа.

-УИХ-ын намрын чуул­ганыг хэр өгөөж­тэй чуулган болсон гэж үзэж байгаа вэ. Хуга­цаанаасаа өмнө завсар­ласан болохоор зарим гишүүд дургүй байна лээ?

-УИХ бо­ломжийн хэм­жээнд ажил­ласан гэж бодож байгаа. Их хурал зүгээр суугаа­гүй. Хийх ёстой, хийхээр тө­лөвлөсөн ажлуудын­хаа ард гарсан. Монгол орныхоо ний­гэм, эдийн засагт нэмэр болохуйц олон хуулийн төслийг батлан гаргалаа.

-Ээлжит бус чуул­ганаас ард түмэн их зүйл хүлээж байна. Өн­гөрөгч хаврын чуул­ганы ээлжит бус чуул­ган шиг үр дүнгүй хурал болчих юм биш биз гэ­сэн хүмүүсийн хард­лага байна. Та яаж харж байна вэ?

-Ээлжит бус чуул­ганаар хэлэлцэх асууд­лууд нь орж ирээгүй болохоор сайн мэдэхгүй байна. Одоо хамгийн ихээр яригдаж буй төсвийн тодотгол хамгийн түрүүнд яригдах байх. Засгийн газраас хэлэлцэх асууд­лын жагсаалтыг оруулж ирэхээр бүх зүйл то­дорхой болно.