2012 оны 3 дугаар сарын борлуулалтын хурдаар тооцоход худалдаа эрхлэгчид нийт 1.17 сарын борлуулалтыг хангах хэмжээний нөөцтэй болжээ. АНУ-ын инфляцийн түвшин 2012 оны 4 дүгээр сард өмнөх сараас өөрчлөгдөөгүй тухай тус улсын Худалдааны яамнаас 2012 оны 5 дугаар сарын 15-ны өдөр мэдээллээ. 2012 он гарсаар энэхүү үзүүлэлт тогтмол өсөлттэй гарч, улмаар 2012 оны 3 дугаар сард өмнөх сараас даруй 0.3 хувиар нэмэгдээд байсан тул дээрх мэдээг судлаачид, эдийн засагчид таатай хүлээж авлаа. Шатахууны үнийн өсөлтийн сөрөг нөлөө ийнхүү түр зуурын шинж чанартай байх болно гэсэн таамаг дэвшүүлээд байсан нь батлагдсан АНУ-ын Холбооны нөөцийн банкны удирдлагуудын хувьд энэ мэдээ 2014 оны эцэс хүртэл бодлогын хүүгээ үргэлжлүүлэн маш бага түвшинд барих төлөвлөгөөгөө хэрэгжүүлэхэд дөхөм болох нь. АНУ-ын Худалдааны яамнаас мөн өдөр гаргасан өөр нэгэн мэдээнд тус улсын жижиглэнгийн худалдаа 2012 оны 4 дүгээр сард өмнөх сараас дөнгөж 0.1 хувиар нэмэгдсэн тухай дурьджээ. 

Энэхүү үзэгдлийг судлаачид АНУ-д цаг агаар харьцангуй хүйтэн байснаас иргэдийн худалдан авалт буурснаас гадна Улаан өндөгний баярын худалдаа эрт буюу 2012 оны 3 дугаар сард явагдсан зэрэгтэй холбон тайлбарлаж байна. Судлаачид АНУ-ын эдийн засагт аажмаар эргэн сэргэлт явагдаж байна гэж дүгнэсэн хэвээрбайгаабилээ.