УИХ-ын чуулганы /2025.04.03/-ны өдрийн хуралдаанаар Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийн хэлэлцэх эсэхийг хэлэлцлээ.
Хэлэлцэж буй асуудалтай холбогдуулан гишүүд асуулт асуулаа.
УИХ-ын гишүүн Д.Энхтүвшин:
Хууль хэрэгжүүлэхгүй байгааг шалгаж тогтоодог субьект, боломжуудыг нээж оруулсан уу? Бидний хэлэлцэхийг зөвшөөрсөн уул уурхайн биржийн тухай хуулийг Хууль тогтоомжийн хуульд нийцсэн гэж үзсэн. Гэтэл олон нийтээр хэлэлцээгүй байх жишээтэй.
Мөн нэмэлт, өөрчлөлт оруулах хууль дээр ороогүй дагалдах хуульд тусгагдсан бүрдүүлбэр зэргийн асуудлууд орхигдох вий.
Хууль тогтоох явцад хууль зөрчсөн зүйл заалтууд гэнэт орж ирдэг. Хууль хэлэлцүүлэх үйл явцад зарчмын зөрүүтэй санал гарвал үүнтэй холбоотой асуулт асуух эрх байдаггүй юм билээ. Байнгын хорооны хурлаар зарим хуулийн өөрчлөлтүүд орох магадлалтай. Энэ асуудлыг тусгав уу?
5 ба түүнээс дээш жил мөрдөгдөж буй хуулинд нэмэлт өөрчлөлт оруулахаар бол үр дагаврын үнэлгээ хийхийг заажээ. Энэ заалт хэрэгжих бодит байдлын судалгаа хийсэн үү?