Л.Оюун-Эрдэнийн тэргүүлж буй Хамтарсан Засгийн газрын үйл ажиллагааны хөтөлбөр, "Алсын хараа 2050" Монгол улсын урт хугацааны хөгжлийн бодлогод "Шивээ Овоо" нүүрсний уурхайг түшиглэн цахилгаан станцын төслийг 2028 онд багтаан хэрэгжүүлэхээр төлөвлөсөн.

Энэ хүрээнд Аж үйлдвэр, Эрдэс баялгийн сайд Ц.Туваан, Эрчим хүчний яам, "Эрдэнэс Монгол" нэгдлийн удирдлага, мэргэжлийн баг газар дээр нь ажиллалаа. Цахилгаан станц барих газрын асуудал шийдэгдсэн. Техник эдийн засгийн үндэслэлийг боловсруулах ажлыг Эрчим хүчний яам, "Эрдэнэс Монгол" нэгдэл хариуцан ажиллаж байна.
Иймд хариуцсан мэргэжлийн байгууллагууд уялдаатай ажиллаж ТЭЗҮ, зураг төслийн ажлыг Засгийн газрын хуралдаанд танилцуулахыг үүрэг болголоо.

Цахилгаан станцын төсөл амжилттай хэрэгжсэнээр манай улс эрчим хүчний өөр нэг эх үүсвэртэй болж төвийн бүсийн үйлдвэрлэл технологийн паркуудыг цахилгаанаар хангах юм.