Эрүүл мэндийн сайд С.Энхболд болон ЭМЯ-ны Төрийн нарийн бичгийн дарга Ц.Эрдэмбилэг нар Өвөрхангай аймгийн Хархорин сумын Нэгдсэн эмнэлэгт ажиллав.

Энэ үеэр Хархорин сумын нэгдсэн эмнэлэгт "Эрүүл мэндийг дэмжих төв" нээлтээ хийж үйл ажиллагаагаа эхлүүллэээ. Нээлтийн үйл ажиллагаанд УИХ-ийн Гишүүн С.Чинзориг, Эрүүл мэндийн сайд С.Энхболд,  ЭМЯ-ны Төрийн нарийн бичгийн дарга Ц.Эрдэмбилэг, Өвөрхангай аймгийн засаг дарга А.Ишдорж, Хархорин сумын засаг дарга Г.Одгэрэл, ЭМГ-ын дарга Д.Шивааннүрдэв болон бусад албаны хүмүүс оролцсон юм.

Тус эрүүл мэндийн төвд 24 нэр төрлийн аппарат тавилга, засварыг улсын төсвийн 1,1 тэрбум төгрөгийн хөрөнгөөр ийнхүү ашиглалтанд оруулж байна. Мөн Эрүүл мэндийн сайд С.Энхболд Өвөрхангай аймгийн БОЭТ-д алсын дуудлагын зориулалтаар бүрэн тоноглогдсон, туулах чадвар өндөр Ланд Круйзер 78 автомашин гардуулан өглөө.  

Өвөрхангай аймаг нь нийт 117 мянган хүн амтай. Монгол Улсын хэмжээнд хүн амын тоогоор 2 дугаарт ордог томоохон нутаг дэвсгэртэй.

Тус аймагт Хархорин Нэгдсэн эмнэлэг, Бүсийн оношилгоо эмчилгээний төв, Зоонозын өвчин судлалын үндэсний төв зэрэг Засаг захиргааны нийт 19 сум 2 багийн эмнэлэг, 4 өрхийн эмнэлэг, нийт 25 эрүүл мэндийн байгууллага үйл ажиллагаа явуулж байна. Мөн бүсийн аймгууд болох Архангай,Булган,Өмнөговь, Баянхонгор, баруун аймгийн зорчигч иргэд хүн амд эрүүл мэндийн тусламж үйлчилгээ үзүүлдэг.