Өнөөдөр СЕХ-ны гишүүд тангараг өргөлөө.

Үүнтэй холбогдуулан Төрийн байгуулалтын байнгын хорооны дарга С.Бямбацогт: 

Үндсэн хуулинд болон Сонгуулийн төв байгууллагын хуулинд заасны дагуу өнөөдөр СЕХ-ны гишүүнээр УИХ-аас томилогдсон таван гишүүн тангаргаа өргөж байна. Хуулиараа таван гишүүнийг Төрийн байгуулалтын байнгын хорооноос зохион байгуулж тангараг өргүүлдэг.

Төрийн хуулийг ард түмэн төлөөллөөрөө дамжуулж хэрэгжүүлдэг. Төлөөллийг  хэн яаж сонгох ажлыг хуулийн дагуу, хараат бусаар зохион байгуулах үүргийг СЕХ хүлээдэг. Ерөнхийлөгчийн, УИХ-ын, орон нутгийн сонгуулийг СЕХ зохион байгуулсаар ирсэн. Хэн нэгний нөлөөнд автахгүйгээр сонгуулийг зохион байгуулахаар төрийн сүлдэнд тангараг өргөж байна хэмээв.