Үндэсний цэцэрлэгт хүрээлэн нь бүтээн байгуулалтын ажлууд хийхээс гадна иргэдэд экологийн боловсрол олгох зорилгоор олон төсөл хөтөлбөрүүд санаачлан ажилладаг билээ.

Энэ ажлынхаа хүрээнд тус төвийн дарга Б.Саранчимэгийн санаачлагаар “Эко танхим” байгуулах ажил 2014 оны наймдугаар сараас эхлэн үргэлжилсээр байна. Уг танхимд нийт 30 гаруй байгууллага хувь хүмүүсээс 200 орчим  ном, товхимол сурах бичиг, гарын авлага судлагааны материалууд цугларсан байна.

Энэ ажлын хүрээнд өчигдөр БОНХЯ-ны  "Байгаль хамгаалах сан" тус танхимтай хамтран ажиллахаар санамж бичиг зурсан бөгөөд “Итгэлийн төгөл”-д мод тарьж, ногоон Улаанбаатарын төлөө нэгдлээ.