Яам, агентлагийн удирд­лагуудтай сар бүрийн сүүл­чийн баасан гарагт хийдэг “Хариуцлага, хэрэгжилт, хяналт” цахим хурал өнгөрсөн баасан гарагт боллоо.

“Шинэч­лэлийн Засгийн газрын ажилд иргэд, олон нийт сэтгэл ханамжтай байгаа нь Ерөн­хий­лөгчийн сонгуулийн сурталчилгааны үеийн судалгаанаас ажиглагдсан байна. Энэ бол яам, агентлагуудын ажилтнуудын арван сарын хичээл зүтгэ-лийн үр дүн юм шүү” гэж Ерөн­хий сайд Н.Алтанхуяг хэл­лээ.

төрийн үйлчилгээг иргэдэд ойртуулсан ТҮЦ машинууд

Орон сууцны найман хувийн хүүтэй зээл олгож эхэл­сэн, “Гудамж” төслөөр нийслэлийн өнгө төрхийг шинэчилж байгаа, төрийн үйлчилгээг иргэдэд ойртуулсан ТҮЦ машинууд суурилуулсан, бүтээн байгуулалтын ажлын яв­цыг даваа гараг бүрт олон ний­тэд нээлттэй мэдээлдэг бол­сон зэргийг Засгийн газрын тэргүүн энэ сарын онцлох ажлаар нэрлэлээ.

Шинэчлэлийн Засгийн газрын ажлын үр дүн эхнээсээ гарч, хийснээ хүлээн авч байгааг сонгуультай хол­бон шүүмжлэх хандлага бай­сан. Энэ мэтээр ярьж шүүм­жилж байсан ч бид төлөвлөс­нийхөө дагуу ажилласан, энэ эрчээрээ ч ажлаа үргэлжлүүлэх болно.

Ирэх сард гэхэд Баянхонгорын зам болон За­мын-Үүд боомтын шинэч­лэл өргөтгөлийг ашиглалтад оруул­на. Тавантолгойн цахил­гаан станцын шав тавина, төмөр замын далангийн ажлын явцтай танилцах юм байна.