2025.04.03

Д.Батлут: Х.Баттулга гишүүн хойд бүсийн айл өрхүүдийн 10 сая хүртэлх хэрэглээний зээлийг тэглэнэ гэж ярьж байсан, үүнийг нэхэж шаардаж ажиллана

УИХ-ын чуулганы /2025.04.03/-ны өдрийн хуралдаанаар Монгол Улсын Ерөнхий сайдаас Улсын Их Хуралд ирүүлсэн Авлигатай тэмцэх газрын дарга З.Дашдавааг улируулан томилуулах тухай саналыг хэлэлцлээ.

УИХ-ын гишүүн Д.Батлут:

З.Дашдаваа даргыг бол дэмжиж байгаа. За Монгол Улсын Ерөнхийлөгч Ухнаагийн Хүрэлсүх баялагтаа эзэн байх тухай уриалгыг гаргаж Монгол Улсын Засгийн газрын уриалгыг манлайлж хэрэгжүүлэхээр ажиллаж байна. Манай хойд бүс дээр олон гишүүд сонгогдож ажиллаж байгаа Манай Х.Баттулга гишүүн Эрдэнэтэд очиж иргэдтэй уулзахдаа байгалийн баялгаасаа иргэд хувь хишиг хүртэх ёстой гэж ярьж явсан байна лээ. Сонгуулийн үеэр бас 10 саяын хэрэглээний зээл авсан айл өрхүүдийн зээлийг тэглэнэ гэсэн яриаг бас гаргаж ирсэн. Тэгээд бодоод байсан чинь эх үүсвэр нь тодорхой байсан юм байна гэж хараад байна.

Айл өрх бүрийн 10 саяын зээлийг тэглэхээр төсөвт тавина гэвэл Монгол Улсын төсөв барахгүй. Харин эх үүсвэр нь тодорхой байсан учраас ярьж байсан юм байна гэж ойлголоо. Төгрөг нуурын ордыг 250 сая доллароор заржээ. Одоогийн ханшаар үржүүлэх юм бол энэ нь 830 тэрбум төгрөг болж байгаа юм. Манай хойд бүс 80 гаруй мянган айл өрхтэй. Зээл тэглэх нь үнэн байсан юм байна. Би тухайн үед худлаа байна гэж бодож байсан. Одоо итгэл үнэмшилтэй болж эхэлж байна. Энэ айл өрхийн хэрэглээний зээлийг хэзээ тэглэх юм бол? Үүнийг нэхэж, шаардаж ажиллана.

Сэтгүүлч

Сэтгүүлч Ц.Соёлмаа soyolmaa@vip76.mn