МАН сонгуулийн мөрийн хөтөлбөртөө Хангайн бүсэд хэрэгжүүлэхээр дэвшүүлсэн онцлох заалтаас танилцуулъя.

• Орон нутгийн үйлдвэрлэл, үйлчилгээ, худалдаа, бирж, тээвэр логистикийн цогцолборыг кластераар хөгжүүлэх тохиромжтой найман байршлыг санал болгож, хүсэлт гаргасан хувийн хэвшил, хоршоодыг дэмжинэ.
• Бүс нутгийн онцлогт тохирсон мал үржүүлэг, үржлийн цөм сүрэг бий болгох бодлого баримтлан, бүсчлэн байгуулна.
• Мянганы замын Орхоны гүүр-Батцэнгэл чиглэлийн 70 км авто замыг барина.
• Мянганы замын Архангай аймгийн Батцэнгэл-Цагаандавааны ар хормой чиглэлийн 65 км авто замыг барина.
• Арвайхээр-Шивээхүрэн боомт чиглэлийн хангайн бүсэд ногдох 336 км авто замыг барина.
• Евро Азийг холбосон хамгийн дөт зам Шивээхүрэн боомт-Арцсуурь боомт чиглэлийн баруун босоо төмөр замын хангайн бүсэд ногдох 223 км төмөр замыг барина.