Дэлхийн банкны төлөөлөгчид Улсын бүртгэлийн ерөнхий газарт ирж Монгол улсад хэрэгжүүлсэн "Ухаалаг засаг-I" төслийн ажлын үр дүнтэй ирж танилцан цаашдын ажлын талаар санал солилцлоо.

Уг хамтарсан уулзалтад Дэлхийн банкны талаас Зүүн Азийн Номхон Далайн Бүсийн цахим хөгжил хариуцсан менежер Махеш Уттамчандани тэргүүтэй албаны хүмүүс ирсэн бол УБЕГ-ыг төлөөлж УБЕГ-ын Тамгын газрын дарга Г.Цолмон тэргүүтэй төлөөлөгч нар байлцлаа.

Хамтарсан уулзалтын хүрээнд Ухаалаг засаг ажлын явцын өнгөрсөн, одоо, ирээдүйн талаар санал солилцож өнөөдрийг хүртэл хийсэн ажлууд, цаашид хийхээр төлөвлөж буй ажлуудтай танилцсан юм.