2021.03.05

Л.Энх-Амгалан: Газраасаа зарсан төрийн их, дээд сургуулийн захирлыг шууд хална

Боловсрол, соёл, шинжлэх ухааны сайд Л.Энх-Амгалан төрийн өмчит их дээд сургуулийн удирдлагуудтай уулзах үеэрээ хатуу шаардлага тавив.

Тэрээр “Та бүхэн сургуулийн газраас зарахгүй шүү. Газраасаа зарсан төрийн их, дээд сургуулийн захирлыг шууд хална. Мөн сургуулийн байраа зарахгүй. Сургуулиараа бизнес хийхгүй шүү. Энэ бол та бүхэнд тавин хатуу шаардлага.

undefined

ТӨРИЙН ИХ, ДЭЭД СУРГУУЛИУДЫН 104 ТЭРБУМ ТӨГРӨГ АРИЛЖААНЫ БАНКИНД БАЙНА. ИНГЭХГҮЙ ЭЭ, ИХ ДЭЭД СУРГУУЛЬ НЬ АРИЛЖААНЫ БАЙГУУЛЛАГА БИШ, МӨНГӨ ХҮҮЛДЭГ ЛОМБАРД, ББСБ Ч БИШ.

Өнөөдрийн байдлаар төрийн их дээд сургуулиудын 104 тэрбум төгрөг арилжааны банкинд байна. Ингэхгүй ээ, их дээд сургууль нь арилжааны байгууллага биш, мөнгө хүүлдэг ломбард, ББСБ ч биш. Энэ мөнгө төрийн дансанд байрших ёстой. Та бүхэн төрөөс санхүүжилт байхгүй гээд байгаа. Өмч нь төрийнх юм шүү. Эзэн нь юмаа мэдэж, эрэг нь усаа хашиж энэ чиглэлээр нэлээн санал санаачлагатай, шахаж шаардаж ажиллана.

Цаашдаа их дээд сургуулийн засаглалыг хамт олноосоо хүлээн зөвшөөрөгдөн гардаг байгаасай гэж хүсэж байна. Хэн нэгэн цүнх баригч ирэх шаардлага байхгүй.

"Би ямар ч цүнх баригч авч ирэхгүй, санаа зоволтгүй ажлаа хийцгээ" хэмээн яамныхаа удирдлагуудад аль хэдийнэ хэлчихсэн” гэлээ.