Холбооны ерөнхийлөгч Д.Тэрбишдагва гишүүн байгууллагуудтай салбар бүрээр уулзалт хийж нийтлэг асуудал болох Автомашины дугаарын хязгаарлалт нь хүнсний үйлдвэрүүдэд тулгамдаж буй асуудал болж байгаа талаар 2015.05.01-ний өдрийн УИХ-ын чуулганы нэгдсэн хуралдаан дээр асуулга тавьсан.

Үүний дагуу  УИХ-ын дарга Аж үйлдвэрийн сайдад үүрэг болгосноор тус яамнаас 2015.05.05-ны 01/1560 тоот Зохицуулалт хийх тухай албан бичиг Нийслэлийн засаг даргын тамгын газарт хүргэгдэж Нийслэлийн засаг даргын "Улаанбаатар хотын автозамын ачааллыг зохицуулах нэмэлт арга хэмжээ авах тухай" А/469 тоот захирамж гарсан байна.

Тус захирамжийн 1.2-т хүнсний түргэн гэмтэх эмзэг бүтээгдэхүүнээс өдөр тутмын хэрэгцээний “Сүү, талх тээвэрлэх аж ахуйн нэгж байгууллагын зориулалтын ачааны автомашинуудыг 12.00 цаг хүртэл дугаарын хязгаарлалтаас чөлөөлнө” гэсэн байна.