Манай улсын хувьд их бүтээн байгуулалтын салбарт голлох ажлыг нугалж буй мэргэжилтэй ажилчдын олонх нь мэргэжлийн бо­ловс­рол сургалтын бай­гуул­лагуудын төгсөгчид бай­даг билээ.

Олон нийтийн зүгээс тэднийг жинхэнэ баялаг бүтээгчид хэмээн нэрийдэх нь бий. Өөрөөр хэлбэл өнөөгийн нийгэмд эрэлт хэрэгцээтэй байгаа барилга, зам тээвэр, уул уурхайн салбарт ажил­лах хүмүүсийн ихэнх нь мэргэжилтэй ажилчин бай­­даг. Харин эдгээр сал­барт нэн шаардлагатай бо­ловсон хүчнийг бэлтгэдэг мэргэжлийн боловсрол сур­галтын байгууллагуудын оюутнуудыг төр засгаас дэм­­­жиж олон ажил хийж, хэ­рэг­жүүлж байгаа.

Тухайл­бал өнгөрсөн онд л гэхэд Хөдөлмөрийн яамнаас Монголын барил­гачдын хол­­боотой хамтран мэр­­гэжлийн боловсрол сур­гал­тын байгууллагуудад су­рал­цагчдын дунд “Монгол ур чадвар-2013” мэргэжлийн ур чадварын улсын урал­дааныг анх удаа зохион байгуулж байсан. Тэгвэл тус яамнаас энэ жил хоёр дахь удаагаа “Монгол ур чадвар-2014” тэмцээнийг ам­жилттай зо­хион бай­гуулж, өчигдөр ялагчдаа тод­рууллаа.

Энэхүү тэмцээний эхний шат өнгөрсөн дөрөвдүгээр сарын 21-нд Политехникийн коллежийн өмнөх талбайд болсон. Анх зохион бай­гуулж байснаа бодоход энэ жил оролцогчдын цар хүрээ тэлж, нэгдүгээр шатанд барилгын өрлөг, плита наах, гагнуур, цахилгаан, му­жаан, тогооч, токарь зэрэг долоон мэргэжлээр нийт 78 сургуулийн 30 гаруй сур­галтын байгууллагын су­рал­цагчид оролцож ур чадвар, авьяасаа сорьсон юм.

78 сургуулийн 30 гаруй сур­галтын байгууллагын су­рал­цагчид оролцож ур чадвар, авьяасаа сорьсон юм.

Зохион байгуулагчдын зүгээс энэхүү тэмцээн нь МСҮТ-д суралцагчдын ча­­давхыг дээшлүүлэх, сур­галтын орчныг сайжруулах, багш нарын ур чадварыг хөгжүүлэх, улмаар монгол хүний мэргэжлийн ур чадварыг дэлхийн хэмжээнд өрсөлдөхүйц түвшинд хүр­гэх гээд олон талын ач холбогдолтой гэж үзэж байгаа.

Нөгөөтэйгүүр сал­барын яамнаас хөдөлмөрийн зах зээлийн эрэлтэд тул­гуур­ласан мэргэжилтэй, чад­варлаг ажилтан бэлтгэх, мэр­гэжлийн боловсрол, сур­­­галтын тогтолцоог хөг­жүүлэх чигэлэлээр анхаарч ажиллаж байгаа билээ. Энэ хүрээнд мэргэжлийн бо­ловсрол сургалтын бай­гууллагуудад суралцагсад болон багш нарын ур чадвар, мэдлэгийг сорьж, ялагчдыг дэлхийн ур чадварын тэм­цээнд оролцуулахаар тө­лөвлөөд байгаа юм.

Хоёр дахь жилдээ зо­хион байгуулагдаж байгаа “Монгол ур чадвар-2014” тэмцээний эхний шатанд 250 орчим мэргэжлийн боловсрол сургалтын бай­гууллагын суралцагчид оролцсон бол хоёрдугаар ша­танд 60 суралцагч тунан үлдэж, ур чадвараа сорив.

Тэд энэ удаад Чин­гисийн талбайд өрлөг угс­ралт, хавтанцар наах, мужаан, үсчин, гоо заслын гэсэн таван төрлөөр өр­сөлд­лөө. Оролцогчид дээрх мэргэжлийг хэрхэн эзэм­­­шиж, багш нараасаа юу сурч, мэдсэнээ харуулж, тэмцээнийг улам со­нир­холтой болгож байв. Эл тэмцээн явагдаж байх зуурт Монгол Улсын Ерөн­хий сайд Н.Алтанхуяг, Хөдөлмөрийн сайд Я.Санж­мятав нарын албаны хүмүүс хүрэлцэн ирсэн юм. 

Энэ үеэр Хөдөлмөрийн сайд Я.Санжмятав “Энэхүү тэмцээнд тэргүүлсэн хүүх­дүүд Дэлхийн ур чадварын олон улсын байгууллагаас зохион бай­гуулдаг тэм­цээнд оролцох эрх авна. Ирэх онд Бразил улсад зохиогдох энэ том тэмцээнээс шагнал хүртэх аваас дэлхийн томоохон ком­­­паниудад урилгаар ажил­­лах боломж нээгдэнэ. Тэд ч тухайн мэргэжилтэнг аль улсын иргэн гэдгийг нь харгалзахгүй, өндөр ца­линтай ажилд авдаг. Тиймээс энэ том тэм­цээнд оролцох эрх авсан хүүхдүүдээ Солонгос улсад есөн төрлийн мэргэжлээр зургаан сар орчмын хуга­цаатай сургаж, бэлтгэнэ. Ингэснээр орол­цогчид га­даадад хагас жил, эх орон­доо жил бэлтгэгдэж, тус тэм­цээнд оролцох болно” гэв.

Харин Ерөнхий сайд Н.Алтанхуяг хоёрдугаар шатанд шалгарсан багш, су­ралцагчдын хийсэн бэ­лэг дурсгалын зүйлс, уур­хайн гүнээс аврах тоног төхөөрөмж, модон эдлэлийн бүтээл зэрэгтэй танилцаж, оролцогчдод амжилт хүслээ.

Ингээд “Монгол ур чадвар-2014” тэмцээн ялагчаа тодруулав.

Тэрбээр “Шинэчлэлийн Засгийн газраас импортыг орлох бүтээгдэхүүнийг до­­тооддоо үйлдвэрлэх бо­ломж олгож байгаа. Хам­гийн наад зах нь Поли­техникийн коллежийн оюутан залуус хүнсний үйлд­­вэрийн ундаа шахдаг төхөөрөмжний хо­шууг та­ван ам.доллар, дээ­рээс нь ажлын хөлс гурван ам.дол­лар нийт найман ам.дол­лараар хийж байна. Гэтэл бид үүнийг гадаадаас 18 ам.доллараар худалдан ав­даг. Үүнээс харахад гадны улс орноос аливаа бараа бүтээгдэхүүнийг импортоор үнэтэй авч байснаас до­тоо­­дын үйлдвэрлэлээ дэм­жих хэрэгтэй гэдэг нь харагдаж байгаа юм” хэ­мээн онцолсон юм.

Ингээд “Монгол ур чадвар-2014” тэмцээн ялагчаа тодруулав. Му­жаа­ны ангилалд I байрт Тех­ник технологийн дээд сур­гуулийн оюутан Д.Нар­мандах шалгарсан. Харин барилгын хавтанцар наах төрөлд Дархан-Уул айм­гийн Мэргэжил сургалт үйлд­вэрлэлийн төвийн оюу­тан Д.Мөнгөншагай, Ба­рил­гын өрөг буюу өр­лөгийн төрөлд Дорнод аймгийн Мэргэжил сургалт үйлд­вэр­лэлийн төвийн оюутан Б.Нямтулга, үсчингийн тө­рөлд Үйлдвэр урлалын по­литехникийн коллежийн оюутан Б.Ундармаа, гоо зас­лын төрөлд Өвөрхангай аймгийн Мэргэжил сургалт үйлд­вэрлэлийн төвийн оюу­тан Г.Энх-Амгалан нар шалгарав.

Ийнхүү тэд ирэх онд Бразил улсад зохион бай­гуулагдах Дэлхийн ур чад­варын тэмцээнд эх орноо төлөөлөн оролцох эрхтэй болсон юм. Хэрэв дээрх дэлхийн ур чадварын тэм­цээнээс ямар нэгэн шаг­нал хүртэж чадах аваас өндөр хөгжилтэй орнуудад мэргэжлээрээ ажиллах бо­ломжтой болох юм.