Манай улсын 130 гаруй мянган иргэд гадаадад амьдарч байгаа бөгөөд тэдний 33 мянга нь хүн амын шинэчилсэн бүртгэлд хамрагджээ. Гадаадад байгаа иргэд шинэчилсэн бүртгэлд хамрагдаагүй бол сонгуульд оролцохдоо давхар бүртгүүлэх боломжтой ажээ. Гадаадад байгаа дипломат төлөөлөгчдийн газрууд энэ сарын 30-нд бүртгэлээ хааж бүртгүүлсэн сонгогчдын мэдээллийг санал авах комисст танилцуулах юм. Уг комисс сонгогчдын тухайн нэрсийн жагсаалттай танилцаад дипломат төлөөлөгчийн газарт хүргүүлэх юм.