УИХ гишүүн Д.Цогтбаатар болон бусад албаны хүмүүс Хүний эрхийн зөвлөлийн хуралтай зэрэгцүүлэн зохион байгуулдаг Хүний эрхийн Үндэсний Байгууллагуудын Дэлхийн Холбоо (ХЭҮБДХ)-ны ээлжит 38 дугаар хуралд оролцож байна.

Хурлаар хүний эрхийн үндэсний байгууллагууд Холбооны дотоод зохион байгуулалт, засаглалын асуудлыг хэлэлцэхээс гадна сонгон авсан хүний эрхийн асуудлаар мэдлэг, туршлага солилцдог уламжлалтай. Энэ жил хөгжлийн бэрхшээлтэй иргэдийн эрхийг хамгаалах, сайн туршлагыг хуваалцах, оновчтой нэвтрүүлэх асуудлаар хэлэлцэж байна.