Бичил уурхай эрхлэгчдийг хөдөлмөрийн аюулгүй байдлыг хангасан ажлын байраар хангах, өрхийн амьжиргааг нь дээшлүүлэх зорилгоор “Мөнгөн усгүйгээр алтны хүдэр баяжуулах цех”-ийг барьж байгуулах ажил эхэллээ. 

Засгийн газрын “Бичил уурхайгаар ашигт малтмал олборлох 296-р журам”-ыг баримтлан энэхүү үйл ажиллагааг хууль журмын дагуу явуулахаар бэлтгэл ажлыг хангаад байна. Энэхүү цехийг байгуулснаар Өмнөговь аймагт үйл ажиллагаа явуулдаг 500 орчим бичил уурхай эрхлэгчид ажлын байраар хангагдаж тэдний өрх гэрийн амьжиргаа дээшлэх боломж бүрдэх юм.

Цехийг үйлдвэрлэлийн бүсэд байгуулах бөгөөд өнөөдөр /2024-09-24/ шав тавьж барилгын ажлыг эхлүүллээ. Шавь тавих ёслолд УИХ-ын гишүүн, Эдийн засгийн байнгын хорооны дарга Р.Сэддорж болон аймгийн удирдлагууд оролцон бичил уурхай эрхлэгчидтэй уулзаж тэдний санал бодлыг сонслоо.

Сэтгүүлч

Сэтгүүлч Б.Хонгорсайхан