Засгийн газрын мөрийн хөтөлбөрт багтсан говийн бүс нутгийг гадаргын усаар хангах "Хөх морь" хөтөлбөрийн хүрээнд "Хэрлэн-Тооно", "Орхон-Онги" эко төслийг "Эрдэнэс Тавантолгой" ХК цогц ус хангамжийн төслүүдтэй уялдуулан хэрэгжүүлэхээр зорьж ажиллаж байна.

"Хэрлэн-Тооно" төсөл хэрэгжсэнээр Тавантолгойн ордод гадаргын усыг үйлдвэрлэлийн хэрэгцээнд ашиглах, экологийн тэнцвэрт байдлыг хадгалах гэх мэт олон давуу тал үүснэ.

Орхон-Онги төсөл

Гадаргын усны хуримтлал бий болгон, ус хангамжийг нэмэгдүүлэх "Орхон-Онги" төслийн ажлыг эхлүүлэх зорилтыг дэвшүүлсэн.

Энэ хүрээнд салбарын судалгаа боломж нөөцийг тооцоолон үзэж “А6-20” дунд хугацааны бизнес төлөвлөгөөндөө "Орхон-Онги" төслийг тусган, хэрэгжүүлэхээр бид ажиллаж байна. Төсөл хэрэгжсэнээр дөрвөн аймгийн байгаль, экологийг сэргээж, бүс нутгийн ус ашиглалтыг сайжруулах, говийн бүсийн ус хангамжийг нэмэгдүүлэх чухал ач холбогдолтой эко төсөл юм.

Сэтгүүлч

Сэтгүүлч Э.Намуунаа namuunaa@vip76.mn