ХЭҮК-ын даргын үүргийг түр орлон гүйцэтгэгч, гишүүн Ж.Хунан, гишүүн Б.Энхболд, Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн нар 2022 оны 06 дугаар сарын 09-ний өдөр Авлигатай тэмцэх газрын дарга, тэргүүн комиссар З.Дашдаваа болон бусад удирдах түвшний хүмүүстэй уулзаж, хүний эрх, эрх чөлөөний асуудлаар ярилцаж, хамтран ажиллах чиглэлийн талаар санал солилцлоо.

Уулзалтаар эрүү шүүлтээс урьдчилан сэргийлэх үндэсний механизм болон уг асуудал хариуцсан гишүүнийг албан ёсоор танилцуулж цаашид эрүү шүүлтээс урьдчилан сэргийлэх чиглэлээр соён гэгээрүүлэх ажил хамтран зохион байгуулах, алба хаагчдад мөрдөн шалгах ажиллагааны явцад мэдээлэл цуглуулах, үр дүнтэй ярилцлага хийх “Мендезийн зарчим”-ыг танилцуулах сургалт зохион байгуулах, алба хаагчдыг чадавхжуулах, хөдөлмөрлөх эрхийн хүрээнд төлөвлөгөө гарган хамтарч ажиллахаар тохиролцов.

Дашрамд дурдахад Хүний эрхийн Үндэсний Комиссын Эрүү шүүлтээс урьдчилан сэргийлэх асуудал хариуцсан гишүүн 2022 оны 06 дугаар сарын 02-ны өдрөөс бүрэн эрхээ хэрэгжүүлж эхлээд байгаа болно.

Сэтгүүлч

Сэтгүүлч Б.Одончимэг odnoo@vip76.mn