Монголчууд эртний бэлгэ дэмбэрэл, сүсэг бишрэлтэй ард түмэн. Энэ ч утгаараа эртний өвөг дээдэс маань үр хүүхэд, ач, гуч, зээдээ “нэр” өгөхдөө ямар нэгэн зүйлийг билгэдэн, билэгшээж өгсөөр ирсэн. Тэгвэл Монгол Улсын хүн амд эртний хаад, ноёд, түүхэн хүмүүсийн нэрээр нэрлэсэн хүмүүс хэр байдаг талаар сонирхуулья.

Өгөдэй 106, Хасар 122, Чингис 343, Есүхэй 208, Хулан 7689, Мандухай 566, Бөртэ-Үжин 116, Тэмүүжин 3987, Боорчи 45, Шихи-хутга 31, Тоорил 1, Лэгдэн 18, Цагаадай 38, Өэлүн 40, Дондогдулам 77 гэж байдаг бол эртний түүхэн Ламын нэрээр нэрлэсэн Лувсанжамц 196, Зундуйжамц 39, Шийрэвжамц 15, Далайжамц 18, Самданжамц 84 иргэн байдаг юм байна.

Харин Монгол Улсын хүн амын хамгийн түгээмэл нэрнээс дурдвал: Бат-Эрдэнэ 13395, Отгонбаяр 11029, Алтанцэцэг 10946, Оюунчимэг 10571, Батбаяр 10536, Болормаа 10253, Энхтуяа 9700, Лхагвасүрэн 9291, Гантулга 9236, Эрдэнэчимэг 9209 иргэн байна.