Өчигдөр Эрүүл мэндийн сайд Сүхбаатар дүүргийн эрүүл мэндийн төвд ажиллаж, вакцинжуулалтын явцтай танилцжээ. Өнгөрсөн онд тус дүүрэгт хийгдсэн вакцин үр дүнтэй байгаа аж. Уушигны хатгаа өвчний тохиолдол 40 гаруй хувиар буурсан байна. 

Агаарын бохирдлоос үүдэлтэйгээр амьсгалын замын өвчний тархалт жилээс жилд нэмэгдсээр байгаа юм. Ялангуяа 0-2 насны хүүхэд багачуудын томуу, томуу тус өвчин нь хүндэрч улмаар уушигны хатгаа болох тохиолдол их байдаг аж. Монгол Улсын Засгийн газар өнгөрөгч  2016 оноос эхлэн уушигны хатгаа өвчний эсрэг вакцинжуулалтыг зарим дүүрэгт хийж эхэлсний нэг нь Сүхбаатар дүүрэг юм. Өнгөрсөн хугацаанд тус дүүргийн 0-2 насны 9433 хүүхэд хамрагджээ. Ингэснээр 2017 онд уушигны хатгаа өвчнөөр 514 хүүхэд оношлогдсон нь өмнөх жилээс 40 гаруй хувиар буурсан үзүүлэлт юм байна. 

Эрүүл мэндийн сайд Д.Сарангэрэл: 2, 4, 9 сартай хүүхдүүдэд вакцин хийж нийт 74 мянган хүүхэд хамрагдсан. Энэ жилийн хувьд Улаанбаатар хотын 38 мянган хүүхэддээ бүгдэд нь хийнэ. Энэ вакциныг Англи улсад үйлдвэрлэж, дэлхийн 160 гаруй оронд хийдэг. ДЭМБ чанарын сертификат олгосон вакцин. Нэг бүрийн зах зээлийн үнэ нь 15 доллар. Бид НҮБ-ын хүн амын сангаас дамжуулан 3.5 доллараар авч хүүхдүүддээ үнэ төлбөргүй хийж байна.