Төр нийгмийн нэрт зүтгэлтэн, Ардчиллын “Алтан хараацай” С.Зориг агсны хөшөөнд хүндэтгэл үзүүлж цэцэг өргөх ёслол боллоо.

Жил бүр уламжлал болсон энэхүү хүндэтгэлийн арга хэмжээнд  Монгол Улсын Ерөнхийлөгч Ц.Элбэгдорж, УИХ-ын дарга, Ардчилсан намын дарга З.Энхболд, Ерөнхий сайд Ч.Сайханбилэг, УИХ-ын гишүүн Л.Болд, УИХ-ын гишүүн М.Зоригт, УИХ-ын гишүүн Ц.Оюунгэрэл болон С.Зориг агсны ах, дүү, төрөл төрөгсөд, найз нөхөд болон иргэдийн төлөөлөл оролцлоо.

/Mонгол ТВ/

УИХ-ын гишүүн Л.Болд хэлэхдээ “Өнөөдөр УИХ-ын чуулган дээр гишүүд  албан ёсоор босч хүндэтгэл үзүүлсэн. Энэ хэрэгт одоог хүртэл анхаарал хандуулж байгаа, цаашид ч ямагт анхаарна гэдгийг УИХ-ын дарга илэрхийлсэн. Ардчилсан хувьсгал С.Зориг хэмээх удирдагчтай байсан учраас тайван замаар, сайхан ирээдүйг авчирсан. С.Зориг агсны хэргийг илрүүлэхийн төлөө бүхий л арга хэмжээг авах шаардлагатай” гэлээ.