Чингэлтэй дүүргийн төр, захиргааны байгууллагаас “Бид сайн сайханд дагуулна” уриан дор жил бүр уламжлал болгон зохион байгуулдаг “Хамтдаа хөгжье” өдөрлөгийг Тусгаар тогтнолын талбайд 5 дугаар сарын 29, 30-ны өдрүүдэд  зохион байгуулж байна. 

Өдөрлөгийн үеэр дүүргийн Иргэдийн Төлөөлөгчдийн Хурлын Нийгмийн бодлогын асуудал эрхэлсэн хорооны “Нэг өдөр - Нэг ажил” аяны хүрээнд эрхэлсэн ажилдаа амжилт гаргасан 8 сургууль, 15 цэцэрлэгийн 23 багш нарыг дүүргийн Иргэдийн Төлөөлөгчдийн Хурлын дээд шагнал болох “Чандмань” одон, “Хүндэт өргөмжлөл”-өөр шагнаж урамшууллаа. 

Шагналыг дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Д.Ганболд, Дэд бүтэц, нийтийн аж ахуйн асуудал хариуцсан орлогч Ц.Содхүү,Нийгмийн бодлогын асуудал эрхэлсэн хорооны дарга Ү.Тэгшбаатар, Төлөөлөгч , Ч.Дэчингалсан, В.Хүрэлбаатар, Л.Баярсайхан, С.Мөнгөнсар, Засаг даргын Тамгын газрын дарга Ж.Эрдэнэбат, Засаг даргын Санхүү, Эдийн засаг хариуцсан орлогч Б.Мөнхбат, Засаг даргын Хөдөлмөр эрхлэлт, нийгмийн хөгжлийн асуудал хариуцсан орлогч Ж.Лхагвасүрэн,  нар гардууллаа.