Монгол Улсын Гадаад харилцааны сайд Л.Болд 10 дугаар сарын 7-8-нд Улаанбаатар хотноо болж буй Хойд Америк, Монголын Бизнес зөвлөлийн ээлжит уулзалтад оролцож, үг хэлэв.

Тэрбээр Монгол Улсын гадаад харилцааны бодлогод гуравдагч хөршийн эзлэх байр суурь, түүний дотор АНУ, Канад Улстай эдийн засгийн хамтын ажиллагааг өргөжүүлэх асуудлаар тус зөвлөлийн төлөөлөгчдөд мэдээлэл хийснээс гадна өнгөрсөн жилийн хугацаанд гадаад харилцаанд гарсан ахиц, дээд, өндөр айлчлалуудын үр дүнгийн талаар танилцуулан төлөөлөгчдийн сонирхсон асуултад хариулсан байна.

Хойд Америк, Монголын Бизнес зөвлөлийн хурал нь Улаанбаатар хот, Вашингтон хот, Оттава хотноо жил бүр ээлжлэн зохион байгуулагддаг бөгөөд Монгол Улс, АНУ болон Монгол Улс, Канадын худалдаа, хөрөнгө оруулалт, эдийн засгийн хамтын ажиллагааг хөхиүлэн дэмжих зорилготой байгууллага юм.