Сүхбаатар дүүргийн Засаг даргын Тамгын газрын дэргэдэх “Сорил, оношлогоо, сургалт, судалгаа, арга зүйн зөвлөл” багш, удирдах ажилтнуудын  “Зүрх сэтгэлээ хүүхдэд зориулна”  анхдугаар чуулганаа зохион байгууллаа.

Чуулганд УИХ-ын гишүүн, Боловсрол, шинжлэх ухааны сайд Л.Гантөмөр, Нийслэлийн боловсролын газрын дарга Ц.Отгонбагана, дүүргийн Засаг дарга Д.Бадарсан, Засаг даргын орлогч Л.Нармандах, Боловсролын хэлтсийн дарга Д.Адъяасүрэн болон албаны бусад зочид, СОССАЗЗ-ийн гишүүд, ЕБС-ийн багш, удирдах ажилтнууд, арга зүйчид төлөөлөл оролцов.

Уг зөвлөл нь дүүргийн Засаг даргатай хамтран Боловсролын чиглэлээр 55 ажил төлөвлөн хэрэгжүүлж ирсэн бөгөөд Хүүхэд нэг бүрт хаягласан “Авъяас” хөтөлбөрийг орчинд нь бодитой хэрэгжүүлэх зорилгоор сургууль цэцэрлэгүүдэд ном, сургалтын хэрэглэгдэхүүн, сургалтын хөтөлбөр, хөгжмийн зэмсэгээр хангаж, багш, эцэг, эх сурагчийн холбоог уялдуулах, хөгжүүлэх хүрээнд олон талын сургалт, бодит ажлууд зохион байгуулж ирсэн.

Тус зөвлөл 2013 онд байгуулагдаж гурван ч удаа тайлангийн хурлаа хийж, Хүүхэд бүрийг хөгжүүлэх бодлогыг орон нутагт хэрэгжүүлэх ажлын хүрээнд дүүргийн боловсролын салбарын онцлог, эрэлт хэрэгцээнд тулгуурлан боловсруулсан хүүхэд бүрийг хөгжүүлэх технологи, хөгжил, төлөвшлийн үр дүн, ахицыг тооцох аргачлалыг олон нийтэд хүртээл болгох зорилготойгоор ийнхүү “Зүрх сэтгэлээ хүүхдэд зориулна” анхдугаар чуулганаа зохион байгуулж байна.

Чуулганаар “Хүүхэд бүрийг хөгжүүлэх үйл ажиллагааны менежмент”, “Хүүхдэд сэтгэл зүйн оношлогоо хийх аргачлал”, Хүүхдийн хөгжил , төлөвшил тодорхойлох аргачлал”, “Хүүхэд бүрийг хөгжүүлэхэд эцэг эхийн оролцоо” гэсэн сэдвийн хүрээнд харилцан туршлага солилцож БШУЯ-наас дэвшүүлсэн зорилтуудын хүрээнд санаачлан зохион байгуулсан шинэлэг ажлуудаа танилцуулж, цаашид авч хэрэгжүүлэх ажлынхаа талаар санал бодлоо солилцлоо.

Энэхүү Сорил, оношлогоо, сургалт, судалгаа, арга зүйн зөвлөл нь Шинэчлэлийн Засгийн газраас боловсролын талаар баримталж буй хүүхэд нэг бүрийн хөгжлийг дэмжих бодлого чиглэлийн хүрээнд Улсын хэмжээнд анхдагч шинэлэг ажил

Энэ үеэр УИХ-ын гишүүн, Боловсрол, шинжлэх ухааны сайд Л.Гантөмөр хэлэхдээ “Энэхүү Сорил, оношлогоо, сургалт, судалгаа, арга зүйн зөвлөл нь Шинэчлэлийн Засгийн газраас боловсролын талаар баримталж буй хүүхэд нэг бүрийн хөгжлийг дэмжих бодлого чиглэлийн хүрээнд Улсын хэмжээнд анхдагч шинэлэг ажил.

Энэ ажлыг санаачилж дэмжиж хамтран ажилласнаар Улсын хэмжээнд анхны 3 ээлжгүй сургуультай болсон нь том өөрчлөлт бас амжилттай яваагийн нэг хэлбэр.

Зүрх сэтгэлээ хүүхдэд зориулж буй Сүхбаатар дүүргийн Засаг дарга Д.Бадарсан, орлогч Л.Нармандах, Боловсролын хэлтсийн дарга Д.Адъяасүрэн, ЗДТГ-т Монголын мянга мянган хүүхэд багачууд цаашлаад тэдний эцэг эх, хөтөлбөрт хамрагдаж буй азтай Сүхбаатар дүүргийн сурагч хүүхэд багачуудынхаа нэрийн өмнөөс талархаж байгаагаа илэрхийлээд та бүхэнд ажлын өндөр хүсье” гэв.

Ийнхүү Сүхбаатар дүүргийн Боловсролын салбарынхан хоёр өдрийн турш харилцан туршлага солилцсон, дараа дараагийн хийж хэрэгжүүлэх^- ажлаа танилцуулсан үр дүнтэй чуулган болж өндөрлөлөө.