Монгол Улсын Шадар сайд Д.Тэрбишдагва өчигдөр өөрийнх нь гүйцэтгэх ажлын хүрээнд байдаг МХЕГ, ОБЕГ, ШӨХТГ, СХЗГ, ХААГ, ОӨГ зэрэг зургаан агентлагийн төсвийн ерөнхийлөн захирагч, дарга нартай хамтран ажиллах гэрээ болон, 2014 оны үйл ажиллагааны төлөвлөгөөгөө баталсан юм.

Дээрх агентлагуудын Д.Батмөнх, Т.Дуламдорж, О.Магнай, Г.Гантөмөр, Д.Энхжаргал, Н.Чинбат зэрэг зургаан дарга энэ онд улам шаргуу, шударга ажиллахаа батламжлан гэрээнд гарын үсэг зурсаны дараа Шадар сайд Д.Тэрбишдагва доорх тайлбарыг хийсэн юм.

-Эдгээр зургаан агент­лагийн 2013 оны ажлыг та хэрхэн дүгнэж байгаа вэ?

-Мэргэжлийн хяналтын ерөнхий газар, Онцгой байд­лын ерөнхий газар, Шу­­­дарга өрсөлдөөн хэрэг­лэгчийн төлөө газар, Стан­дарт хэмжил зүйн газар, Ху­дал­дан авах ажиллагааны газар, Оюуны өмчийн газар гээд хэрэгжүүлэгч зургаан агентлагтай хамтарч ажил­ласан 2013 оны гэрээгээ дүгнэсэн байгаа.

Энэ хоёр сард багтаад бүх агентлагт очиж бүтэн жилд ямар ололт амжилт, алдаа ду­таг­далтай ажилласан та­лаар хамт олных нь дунд дүг­нэлтээ сонсгоно. Төсвийн ерөн­хийлөн захирагч нартай хийсэн гэрээний дагуу ямар зүйл дээр алдаж, оносон талаар хамт олонд нь танил­цуулж нэг бүрчлэн явж ярилцана. 2013 оны бидний гэрээний биелэлт боломжийн сайн гэж дүгнэж байгаа.

-Шүүмжлэх алдаа ду­тагдал бараг л гараагүй хэрэг үү?

-Би сая хэллээ шүү дээ. Эдгээр агентлагийн удирдлагуудын зүгээс гар­­­гасан алдаа дутагдал бай­­вал хамт олных нь өм­нө ярилцана гэж. Ажил хийж явахад ямар нэгэн алдаа гарна. Огт ажил хий­дэггүй хүн л алдаа гар­гадаггүй байх. Харин алдаа­гаа давтахгүй байх нь л урагшлах, дэвжихийн үндэс болдог. Олсон ололт амжилтаа дурьдахаас гадна цаашид анхаарах зүйлээ зайлшгүй ярилцах ёстой. 2013 он бол шинэчлэлийн Зас­гийн газар байгуулагдаад бүтэн жил ажилласан анхны он байлаа. Бид бүтэн жилийн хугацаанд байгуулсан гэ­рээ, төлөвлөгөөний дагуу ажиллалаа.

-Өнгөрсөн онд зохион байгуулж, хийж гүйцэтгэсэн тоймтой ажлаасаа дурь­дахгүй юу?

Эдгээр агентлагийн удирдлагуудын зүгээс гар­­­гасан алдаа дутагдал бай­­вал хамт олных нь өм­нө ярилцана

-Өнгөрсөн онд “Ард түмэн та хаан” форумыг зохион байгуулж олон нийтэд үйлч­лэх хариуцлага, зохион байгуулалтыг бүх шатанд сайжруулах талаар багагүй ажил өрнүүлэн ажилласны үр дүнд зохих амжилт гар­гасан гэж дүгнэж байна. Эдгээр зургаан агентлаг бол үнэхээрийн чанд сахилга, зохион байгуулалттай үр­­гэлжийн бэлэн байдалд байж ард түмнийхээ төлөө өргөсөн тангараг, үүрэг ха­риуцлагаа цаг үргэлж чин шударгаар биелүүлэх зайлшгүй шаардлагатай газрууд юм.

Өдөр тутмынх нь үйл ажиллагааг аваад үзэхэд л нийгмийн бараг бүх л салбарыг хамарч ард түмэнд шууд хүрч ажил­ладаг болохоор шударга ёс, ажлын хариуцлага, үүрэг даалгавраа чандлан ухам­сарлах гээд олон шалгууртай цаг үргэлж тулгарч байдаг.

-Тэгэхээр таны шууд удирдлага, хамрах хүрээнд багтдаг эдгээр агентлаг өнөөд­рийн амьдралаас ур­ган гарч байгаа шаард­лага, зорилгод аль хэр ний­цэж, нийгэмд ямархуу үр өгөөж­тэй ажиллаж байна?

-Бид шинэчлэлийн Зас­­гийн газрын түүчээ болж, маш сайн эмх цэгц, са­хилга хариуцлагатайгаар тас­ралтгүй ажиллах ёстой юм. Ийм ч учраас өнгөрсөн онд олсон ололт амжилтаа бататган энэ 2014 онд өшөө илүү үр дүнтэй, ний­гэмд эерэг уур амьсгал бүр­дүүлэхүйц ажиллах учир­­тай, тэгэх ч үүрэгтэй. Бүтэн жилийн хугацаанд хамт олныг удир­даж, нэлээд шинэлэг ажил хийцгээсэн ч тавьсан зорилго, хэлсэн үг, ам аж­лын нэгдэлд бид цаашид ихээхэн анхаарч ажиллах шаардлагатай болж байна.

Агентлаг тус бүрийн ажлын онцлог, хамрах хүрээ ха­рилцан адилгүй ч бидний ажлын эцсийн үр дүн нь ард түмний амгалан тайван амьдрал, хүн бүрт адил тэгш үйлчилдэг хуулийн хэ­рэгжилтийг хангуулахад л оршиж байгаа юм.

-Тэгвэл агентлаг тус бү­рийн ажлыг цөөн үгээр дүг­нэж, хойшид анхаарах зүйлсийг дурьдаж болох уу?

-Онцгой байдлын ерөн­хий газраас эхлэхэд өнгөр­сөн онд урьдчилан сэр­гийлэх арга хэмжээ, түү­­­­­ний дотор тоног төхөө­рөм­­жөө сайжруулах чиг­лэлд онцгойлон анхаарч ажил­­­­ласныг тэмдэглэж бай­­­­на. Ганцхан жишээ хэ­лэхэд Улаанбаатар хотын гал унтраах нийт тоног тө­хөөрөмжийг иж бүрэн ши­нэчилсэн. Үүний үр дүнд гал, усны аюулын үеийн аврах ажил­лагаанд дэвшил гарах нөх­цөл бүрдсэн.

Шударга өрсөлдөөн, хэ­рэглэгчдийн төлөө газ­рын хувьд хэрэглэгч ард түм­нийхээ төлөө дайчин, шуурхай ажилласныг онц­лон тэмдэглэх ёстой. Эд­ний ажил дээр ихээхэн дэв­шил гарсан ч зарим арга хэмжээний хэрэгжилтэд онц­гойлон анхаарах нь чухал байгаа. Мэргэжлийн хяналтын ерөн­хий газрын тухайд бү­тэн жилийн хугацаанд дав­­гүй үр дүнтэй ажилласан боловч өөрсдийнхөө хуулийг бүтэн жил боловсруулж, батлуулж дөнгөсөнгүй. Бүт­­­цийн өөрч­лөлт хийг­дэх­гүй байгаагаас болоод хү­­мүүсийн ажил төрөл цал­гардаж байгаад Мэргэжлийн хяналтын ерөнхий газрын дарга Д.Батмөнх онцгойлон анхаарах ёстой.

Ер нь 2014 оныг ил тод байдал, шударга ёсыг газар сайгүй мөрдөх, хэвшүүлэх чиглэлд дэвшил гаргасан он болгох ёстой.

Ер нь цааш­даа эрсдэлд суурилсан үнэл­­гээнд тулгуурлан ард түмнийг хянаж шалган айлган сүрдүүлдэг биш, зөвлөдөг, үйлчилдэг бай­гууллага бол­но. Оюуны өмчийн газар нь оюунлаг Монгол, түү­ний до­­тор газарзүйн байрш­лын асууд­лыг 2013 онд онц­гой­­лон анхаарч ажил­ласан. Монголын өвөрмөц байгаль орчинд өсч үржиж байгаа малын гаралтай түү­хий эд, ургамал, бусад баялгаа дэл­хийн брэнд болгох та­лаар онцгойлон анхаарч ажил­лас­ныг тэмдэглэж бай­на. Энэ чухал ажлыг 2014 онд ч үр­гэлж­лүүлэн ажиллах ёстой.

Стандарт хэмжил зүйн газрын тухайд өнгөрсөн жи­лийн хамгийн том ажил нь 6200 стандартад нэг бүрчлэн үзлэг, шалгалт хийж Монгол Улсад мөрдөгдөх стандартыг шинэчлэн боловсруулж бай­гаа. Энэ 2014 он Монгол Улсад Евро стандартыг хэ­рэгжүүлэх хамгийн чухал аж­лын жил болно гэдгийг Г.Гантөмөр даргад онцгойлон анхааруулж байна. Тийм ч учраас Европын холбооноос хэрэгжүүлэх энэ төслийг дэлхийн хамгийн орчин үеийн стандартад хүргэхийн төлөө ажиллах, стандартын хуулийг боловсруулах зэрэг их ажлын жил болно гэдгийг онцлон тэмдэглэж байна.

Худалдан авах ажил­ла­гааны газрын тухайд ши­нээр байгуулагдсан агент­­л­аг. Улсын төсвийн хө­рөнгийг үр ашигтай зарцуу­лах, аливаа тендерийг ил тод байл­гах, шилэн тендер гэдэг дээр бид алхам урагшилсан гэж дүгнэж байгаа. Энэ жил хийгдэх гол ажил нь төрийн өмчит компаниудын тендерийг ил тод зарлах асуудал юм. Ер нь 2014 оныг ил тод байдал, шударга ёсыг газар сайгүй мөрдөх, хэвшүүлэх чиглэлд дэвшил гаргасан он болгох ёстой.

-Шадар сайдын хувьд 2014 онд хамгийн гол анхаарч ажиллах салбар, чиглэл тань юу байх вэ?

-Энэ 2014 он бол ямар нэг сонгуульгүй, бүтэн жил бүх л хүч чадлаа дайлчлан ажиллах, шинэчлэлийн Зас­гийн газрын төлөвлөсөн ажлуудынхаа голыг нугалах хамгийн чухал жил юм. Хариуцлага, сахилга бат, шударга ёс, ард түмэндээ үйлчлэх үлгэр жишээг ма­най агентлагуудаас эхэл­нэ.

“Дэгтэй Монгол дэл­хийд манлайлна” гэсэн хэлэл­цүүлэг өрнүүлж, үүний да­гуу эдгээр зургаан агентлаг дээр бүтэн жилийн нарийн төлөвлөгөөтэй, хяналт шал­галттай ажиллагаанууд яваг­дах болно. Сая баталсан төлөвлөгөө, гэрээний да­гуу манай агентлагууд бу­сад яам, агентлагуудад үлгэр жишээ болохуйцаар ажил­лана гэдэгт итгэл төгс байна. Дараа жилийн өдийд 2014 оны ажлаа дүгнэхэд та бүхнийг байлцаарай гэж урьж байна.