Засгийн газраас жи­жиг, дунд бизнес эрхлэгчдийг дэмжих бодлого хэрэгжүүлж байгаа аж. Үүний дагуу ЖДҮ эрхлэгчдийн гол бэрхшээл болсон банкнаас зээл авахад шаардагддаг барьцаа хө­рөн­гийн дутагдалтай асууд­­лыг шийдэх зорилгоор ту­хайн зээлийн 60 хүртэл хувьд төрөөс батлан даалт гар­гахаар болсон юм.

Энэ аж­лыг хэрэгжүүлэхээр Хөдөл­мөрийн яам, Сангийн яам, Эдийн засгийн хөгжлийн яамд болон мэргэжлийн хол­­­боонууд, МҮХАҮТ-ын орол­­­цоотойгоор Зээлийн бат­лан даалтын санг үүсгэн байгуулсан аж. Түүнчлэн ЖДҮХГ ир­гэдээс төсөл хүлээн авах журмаа шинэчилжээ.

Ши­­нэ журмаар 100 сая төг­рөг хүртэлх санхүүжилт шаард­лагатай төслийг /Улаан­баатар хотод хэрэгжих бол/ дүүргүүдийн Үйлдвэр үйл­чилгээний хэлтэст, хө­­­дөө орон нутагт бол ту­хайн аймгийн хуучнаар ХХААЖДҮГ-т хүлээн авч бай­гаа гэсэн.

Харин 2013 оны нэгдүгээр сараас аймгийн Хө­дөлмөрийн хэлтсүүдэд авах юм байна. Мөн 200 сая төгрөг хүртэлх санхүүжилт шаардлагатай төслийг НЗДТГ-т, хөдөө орон нутгаас бол Хөдөлмөрийн яамны Жи­жиг, дунд үйлдвэрийг хөгжүүлэх санд ирүүлэх аж.