Хамгийн сүүлд буюу энэ сарын 9-нд Сирийн Хама мужид Засгийн газрын цэргүүд босогчдын эсрэг тусгай ажиллагаа явуулжээ.

Энэ үеэр 100 гаруй хүн амиа алдсаны 19 нь Засгийн газ­рын цэргүүд, найм нь босогчид, үлдсэн нь энгийн иргэд байж. Олон улсын хүний эрхийг хамгаалах бай­гууллагын мэдээлснээр Сирийн аюулгүйн хүчнийхэн хүчээ сэлбэх үүднээс нисдэг тэргээр цэргүүдээ мөргөлдөөн болж буй газарт зөөж байсан гэнэ. 

Урьд нь НҮБ-ын экс Ерөнхий нарийн бичгийн дарга Кофи Аннан Сирийн нөхцөл байдлыг энхийн замаар зохицуулах тухай саналыг дэвшүүлсэн юм. Түүнийг нь Сирийн төрийн тэргүүн ч сайшааж, гэрээ байгуулах болсон. Уг гэрээгээр бол энэ сарын 10-ны дотор Сирийн цэргүүдийг босогчдын хотоос гар­гахыг дурдсан байна. Гэвч Сирийн аюулгүйн хүчнийхэн босогчид  галаа зогсоох талаар бичгээр амлалтыг нь авсны дараа л цэргээ татахаа мэдэгдсэн байна. Тиймээс цуст мөргөлдөөн одоо ч үргэл­жилсээр байна. Өнгөрсөн оны гуравдугаар сараас эхэлсэн мөр­гөлдөөний улмаас ойролцоогоор есөн мянган хүн амь үрэгдсэн хэмээн НҮБ-ын тайланд дурджээ.