УИХ-ын Эдийн засгийн байнгын хорооны дэргэдэх Тогтвортой хөгжлийн зорилгын дэд хорооны 2025.06.10ны өдрийн хуралдаанаар хЯдуурал болон Зохистой хөдөлмөр эрхлэлтийн зорилгуудын хэрэгжилтийн талаар Гэр бүл, хөдөлмөр, нийгмийн хамгааллын сайд, УИХ-ын гишүүн Л.Энх-Амгалангийн мэдээллийг сонслоо.

Уг мэдээлэлтэй холбоотойгоор гишүүд асуулт асууж, үг хэллээ.

2022 оны байдлаар манай улсын ядуурлын түвшин 27.1 хувь байгаа юм. Тиймээс Дэд хорооны даргын хувиар УИХ-ын гишүүн Б.Мөнхсоёл Засгийн газраас ядуурлыг бууруулах чиглэлээр далайцтай арга хэмжээ авч, бодитой үр дүнд хүрэхгүй байгааг анхааруулж, “Халамжаас хөдөлмөрт” бодлогын бодитой үр дүнгийн талаар асуулаа.

Иргэд ажил хөдөлмөр эрхэлж байгаа ч ядуу амьдарч байгаад дүгнэлт хийж, тогтвортой хөгжлийн зорилгуудыг хэрэгжүүлэхэд тууштай анхаарах хэрэгтэй байна.