УИХ-ын чуулганы /2025.03.27/-ны өдрийн хуралдаанаар Монгол Улсын Үндсэн хуулийн цэцийн 2025 оны 01 дүгээр дүгнэлт /Монгол Улсын Их Хурлын сонгуулийн тухай хуулийн зарим хэсэг Монгол Улсын Үндсэн хуулийг зөрчсөн эсэхийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн А.Ариунзаяа:

Бие даан нэр дэвшигчдэд 1992 оноос хойш 801 хүний тоо тавьсан. 1992 онд 1,5 сая хүн амтай байсан, сонгогчийн тоо энэ хэрээр бага байсан байж таарна.Одоо 3,5 сая хүн амтай болсон. Хүний тоо нэмэгдсэн үү гэхээс бага болоогүй. Иймд тухайн үед үүнийг бодож, үнэлгээ хийж байсан хүмүүсийн зарчим нь юу байсан бэ гэдгийг мэдэж байж, энэ 801 гэдэг тоо их байна уу, бага байна уу гэдгийг харах нь зөв байх. Мөн улс төрийн нам байгуулахдаа нэгэн адил 801 гэдэг тоо тавьж байгаа нь нөгөө талдаа парламентын засаглалтай ардчилсан улс оронд улс төрийн намуудын оролцоо, хөгжил маш чухал.

Ийм учраас улс төрийн сонгуульд оролцож байгаа улс төрийн намуудад тавигдаж буй шаардлагатай нэгэн адил 801 хүний гарын үсэг, мөрийн хөтөлбөртэй нэг гэхээс илүү нэр дэвшиж буй субъект гэдэг агуулгаар нь улс төрийн намтай адилтгаж, үзсэн болов уу. Ер нь хэдэн хүний гарын үсэгтэй байж, нам байгуулж болох эсэхийг тодорхой болгох хэрэгтэй. Дараа нь цэц дээр дахиад ийм асуудал гарч магадгүй.

Түүний асуултад УИХ-ын гишүүн Ц.Сандаг-Очир хариуллаа.