Батлах хамгаалахын сайд С.Бямбацогт БНӨСУ дахь цэнхэр дуулгатнуудаа эргэж, амьдарч байгаа газар орон, үүрэг гүйцэтгэж байгаа орчин нөхцөлтэй танилцаад ирлээ. 

2024 оны 10 дугаар сард явсан манай Зэвсэгт хүчний 14-р ээлжийн мотобуудлагын цэргийн баг ажиллагааны газар оронд үүргээ гүйцэтгээд яг 4 сар гаруй хугацаа өнгөрч байна. БНӨСУ-ын Юнити мужийн Беньтю хот дахь “Monbatt” монгол цэргийн баг Монгол Улсынхаа нэр хүндийг дэлхийн тавцанд өргөж, Зэвсэгт хүчнийхээ түүхийн хуудсыг улам бүр баяжуулсаар байна.

Сайд БНӨСУ-д ажиллах үедээ энхийг сахиулагчдын оролцоог нэмэгдүүлэх талаар санал солилцож, нэгж техникийг үе шаттай шинэчилж, сэргээн сайжруулах ажлын эхлэл болгон 14 автомашин гардуулах зэрэг энхийг сахиулах ажиллагаанд дэвшилт гаргаад ирлээ. Тэрбээр монгол цэргүүддээ хандан "Эх орон, ард түмнийхээ өмнө өргөсөн тангарагтаа үнэнч байж, үүргээ нэр төртэй гүйцэтгээрэй! Үүргээ нэр төртэй гүйцэтгээд, эх орондоо баяртай уулзъя" гэжээ.