УИХ-ын гишүүн Т.Аубакир, С.Зулпхар нарын хамт 2025.02.22-ны өдөр Сагсай, Толбо суманд хийсэн уулзалтанд хүрэлцэн ирж санал бодлоо солилцсон иргэд та бүхэндээ баярлалаа.
Уулзалтын үеэр УИХ-аас баталсан хууль, тогтоомжууд болон аймагт хийж хэрэгжүүлэх бүтээн байгуулалтын ажлуудын талаар танилцуулга хийв.

Иргэдийн зүгээс:

• Өлгий-Сагсай-Улаанхус-Цэнгэл сумуудыг холбосон хатуу хучилттай автозамын ажлын хүрээнд Өлгий-Сагсай хэсгийг энэ жилээс эхлүүлэх
• Газар тариалан эрхлэн тэжээл тарьж буй иргэд, аж ахуйн нэгжүүдийг дэмжиж ажиллах
• Толбо сумын Засаг даргын тамгын газрыг автомашинтай болгох
• Сумдын эрүүл мэндийн төвд шүдний кабинет байгуулахад дэмжлэг үзүүлэх
• Тендерийн хуульд нэмэлт өөрчлөлт оруулах
• Нийгмийн даатгалыг нөхөн төлөх боломжийг холбогдох хуульд оруулах
• Мал, малын гаралтай бүтээгдхүүний түүхий эдийн үйлдвэр байгуулах асуудлыг холбогдох яаманд уламжлах
• Хамтын тэтгэврийг өвлүүлдэг болгох
• Сагсай сумын бүргэдчид аялал жуулчлалыг хөгжүүлэхэд давуу тал болох гэх мэт саналуудыг тус тус онцоллоо.

Мөн дулааны улирал эхэлж байгаатай холбогдуулан бүтээн байгуулалтын ажлууд эхлэж байгаа тул иргэдийнхээ санал бодлыг тусгаж, тайлагнаж эргэх холбоотой ажиллахыг зорьж байна.