Улсын Их Хурлын гишүүн М.Бадамсүрэнгийн ахалж буй Өрхийн, бичил, жижиг, дунд үйлдвэрлэлийг дэмжих, хөгжүүлэх бодлогын шийдлийг боловсруулах ажлын хэсэг Хэнтий аймагт ажиллалаа. 

ӨРХИЙН, БИЧИЛ, ЖДҮ-ИЙН ӨНӨӨГИЙН БАЙДАЛ, ХУУЛЬ ТОГТООМЖ ШИНЭЧЛЭХ ХЭРЭГЦЭЭ, ШААРДЛАГА СЭДЭВТ ЦУВРАЛ ХЭЛЭЛЦҮҮЛЭГ ХЭНТИЙ АЙМАГТ ҮРГЭЛЖИЛЖ БАЙНА.

УИХ-ын М.Бадамсүрэн хэлэхдээ “Аж үйлдвэржилтийн бодлогын байнгын хорооны 2025 оны 02 дугаар тогтоолоор байгуулагдсан ЖДҮ-ийн ажлын хэсгийг ахалж Зүүн бүс нутагтаа ажиллаж байна. Хүрэлцэн ирж хэлэлцүүлэгт идэвхтэй оролцсон ЖДҮ эрхлэгчдийн төлөөлөл, нутгийн удирдлагууддаа баярлалаа” хэмээв.

Түүнчлэн Зүүн бүсээс сонгогдсон УИХ-ын гишүүдийн нэгдсэн ажлын алба, УИХ-ын гишүүд 3 хэсэгт хуваагдан Хэнтий, Дорнод, Сүхбаатар аймгийн бүх сум, багуудад 2025.02.02-ны өдрөөс эхлэн ажиллаж байгаа.

УИХ-ын гишүүн М.Бадамсүрэнгийн баг дараах газруудад ажиллах юм.

• 02 дугаар сарын 06-ны өдөр Хэнтий аймагт Зүүн бүсээс сонгогдсон УИХ-ын гишүүдийн хамтаар иргэдтэй уулзах уулзалтад оролцоно.
• 02 дугаар сарын 07-ны өдөр Дорнод аймгийн Цагаан-Овоо сумын 2 дугаар багийн иргэдтэйгээ уулзана.
• 02 дугаар сарын 08-ны өдөр Монгол Улсын хошой баатар Маршал Хорлоогийн Чойбалсангийн мэндэлсэн өдрөөр Дорнод аймагт ажиллана.