Төв аймгийн Бүрэн сумын нийт нутгаар цасан бүрхүүл тогтож, цасны зузаан дунджаар 20-28 см зудын нөхцөл байдалтай байна.

ЗГ-аас томилсон шуурхай бүлгийн гишүүн Боомтын сайд Б.Тулга, яам агентлагийн удирдлагууд болон аймгийн ИТХ-ын дарга Ц.Жамбалсүрэн нарын хамт цагийн байдалд үнэлэлт хийж, малчдынхаа санал хүсэлтийг сонсон, сумын онцгой комисст шаардлагатай дэмжлэгийг үзүүлэхээр шийдвэрлэлээ. Үүнд: 

• Малчдын өвөлжөө, хаваржаа руу явах гол замуудыг нээхэд шаардагдах 5 тонн түлшийг нийлүүлэх
• Суманд 800 боодол ногоон тэжээл, 35 тонн хивэгийг үнэ төлбөргүй олгох, 35 тонн тэжээлийн будааг хөнгөлөлттэй үнээр олгох, малын эм, биобэлдмэлийн хангалтыг нэмэгдүүлэх
• Эрүүл мэндийн салбарын парк шинэчлэлийн хүрээнд туулах чадвар сайтай автомашинаар сумын эрүүл мэндийн төвийг хангах асуудалд анхаарч ажиллахаар боллоо.