Шинэ Хархорум хотын бүтээн байгуулалтын үндэсний хороо /2023.06.05/-ны өдөр ээлжит хуралдаанаа хийлээ. Тус хуралдаанаараа дараах 4 асуудлыг хэлэлцэв. Үүнд:

✅Шинэ Хархорум хотын шинэ нисэх буудлын байршлын судалгаа,

✅Шинэ Хархорум хот хүртэлх авто замын төлөвлөлтийн судалгаа,

✅Шинэ Хархорум хотын эрчим хүчний хангамжийн төлөвлөлтийн судалгаа,

✅Шинэ Хархорум” хотын төлөвлөлтийн судалгаа концепцийг боловсруулах ажлын танилцуулга.

Хэлэлцсэн асуудлуудын хүрээнд Үндэсний хорооны гишүүд асуулт асууж, саналаа хэллээ. Хуралдаанаас Улаанбаатар хот – Хархорум болон Улаанбаатар хот – Өгийн нуур чиглэлийн авто замын трасс, Элсэн тал орчимд шинэ онгоцны буудал байгуулах судалгааны байршил, “Мандалговь-Арвайхээр” чиглэлийн 220кВ болон “Арвайхээр-Хархорин” чиглэлийн 110кВ-ын ЦДАШ-аар хангах хувилбарыг тус тус хэлэлцэн дэмжлээ. Мөн Шинэ Хархорум хотыг төлөвлөж, байгуулах газрыг улсын тусгай хэрэгцээнд авах ажлыг холбогдох хууль, журмын дагуу шуурхай зохион байгуулахаар тогтов.