Монголын барилгын үндэсний ассоциаци" ТББ нь 2009 онд байгуулагдсанаас хойш гишүүнчлэлийн хүрээ жилээс жилд өргөжиж, одоогоор 160 гаруй бүртгэлтэй гишүүн болон дэмжигч байгууллагуудтай болсон байна.

2019 онд зохиогдсон Бүх гишүүдийн ээлжит 4-р чуулганаас хойших 3 жилийн хугацаанд бид МБҮА ТББ-ын “Стратеги төлөвлөгөө 2020-2024”-г баталж, үүний дагуу үйл ажиллагаагаа төлөвлөгөөний дагуу амжилттай хэрэгжүүлсээр ирсэн бөгөөд 3 жилдээ нэг удаа зохион байгуулагдаг Бүх гишүүдийн тавдугаар чуулганаа 2022.05.12-ны өдөр амжилттай зохион байгууллаа.

Чуулганд Барилга, хот байгуулалтын яамны Бодлогын төлөвлөлтийн газрын дарга Б.Гүнболд, Монголын Үндэсний худалдаа, аж үйлдвэрийн танхимын Ерөнхийлөгч О.Амартүвшин, Барилгын хөгжлийн төвийн захирал Ц.Амарсанаа нар оролцов.

Тус чуулганаар ассоциацийн Удирдах зөвлөлийн 2019-2021 оны үйл ажиллагааны тайланг танилцуулж дүгнэх, Ассоциацийн дүрмийн нэмэлт, өөрчлөлтийг хэлэлцэн батлах, Ассоциацийн Удирдах зөвлөл, Хяналтын зөвлөлийн гишүүдийг бүх гишүүдээсээ сонгож батласан ба шинэчлэн сонгогдсон Удирдах зөвлөлийн гишүүдээс ассоциацийн Ерөнхийлөгчөөр “Цаст Импекс” ХХК-ийн ТУЗ-ийн дарга Н.Баярсайхан сонгогдлоо.

Сэтгүүлч

Сэтгүүлч Ц.Соёлмаа soyolmaa@vip76.mn