УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Ц.Мөнх-Оргил:

“Сайдаар томилогдож байгаа хүмүүстээ баяр хүргэе. Өнгөрсөн 4 жилийн хугацаанд татварын шинэчлэл хийсэн. Гэхдээ ганц нэг зүйл дутуу байна. Үүнийг 1 жилдийн дотор 2-3 чиглэлээр өөрчлөлт оруулах шаардлагатай байна.

1. Хэрэглээний татварыг шинэчилмээр байна. Хэрэглээг эрүүл буюу ердийн, тансаг, эрүүл бус хэрэглээ гэж хувааж үзээд татвараа зохистой тогтоох хэрэгтэй. 21-р зууны хэрэглээнээс тансаглал хэтрээд байна. Сингапурт л гэхэд машины моторын багтаамжаас хамаарч 100% хүртэл татвар байдаг. Машин унуулахгүй гэж байгаа бус эрүүл бус, ихийг хэрэглэх бол тэр хэмжээнийхээ татварыг л төл гэж байгаа юм. Орж ирэх хөрөнгийг нийтийн тээвэртээ ч зарцуулах боломжтой. Эрүүл бус буюу архи тамхи, сахарын хэрэглээг хязгаарлаж эрүүл хэрэглээтэй болгохын тулд татварын зааг хэмжээг тогтоох нь зүйтэй.

2. Бид үйлдвэржилт, ажлын байр гэж их ярьдаг. Үүнийг хамгийн их боомилж байгаа нь татвар юм. 100 төгрөгийн тоногт төхөөрөмж оруулж ирэхэд 5% гаалийн импорт, 10% НӨАТ төлнө. Ингэхдээ 100 төгрөг дээрээ 5% гаалийн татвараа нэмээд 105 төгрөгөөс 10% НӨАТ төлнө. Эндээсээ 5% импортоо нэмэхээр 100 төгрөгөөс 15,5 төгрөг нь хил дээр юу ч болж амжихгүй гараад явчихаж байгаа юм. Энэ бол дэмжлэг биш юм.”