Өнөөдөр /2019.01.31/ УИХ-ын нэгдсэн чуулганаар Монгол Улсын Засгийн газар, Мянганы сорилтын корпорациар төлөөлүүлэн АНУ-ын хооронд байгуулсан Мянганы сорилтын компакт гэрээг соёрхон батлах тухай хуулийн төслийг хэлэлцлээ.

УИХ-ын гишүүн С.Бямбацогт:

"2 дахь компакт гэрээг батлах гэж байна. Эхнийх маш үр дүнтэй болсон. Одоо 2 дахь нь ямаг үр дүнд хүрэх тухай мэдээлэл өгнө үү?

Өнөөдөр Монгол Улсын усны нөөц, хэрэглээ, цаашид нөхцөл байдал ямар түвшинд хүрэхээр байна вэ? Төсөл хэрэгжиснээр ямар байдалтай болох тухай мэдээлэл өгнө үү?

350 сая ам.долларын хэдэн хувь нь бодит бүтээн байгуулалт болох вэ?

Монголын талаас 100 гаруй сая ам.долларын санхүүжилт гаргах ёстой. Үүнийг ямар эх үүсвэрээс гаргах вэ?"