Эрүүл мэнд спортын сайд Г.Шийлэгдамба тэргүүтэй төлөөлөгчид БНХАУ-д айлчилж, Бээжин хотноо болсон Хөнгөн атлетикийн Дэлхийн аварга шалгаруулах тэмцээнд оролцож буй монголын тамирчдын бэлтгэлтэй танилцаж, тамирчдаа дэмжлээ. 

БНХАУ-д ажиллах үеэрээ Хятадын Биеийн тамир, спортын ерөнхий газрын дарга бөгөөд Олимпын хорооны ерөнхийлөгч Лю Пөнтэй уулзав. Уулзалтаар хоёр талын биеийн тамир, спортын салбарын хамтын ажиллагаа, солилцооны талаар ярилцаж, хамтарсан бэлтгэл хийх, харилцан туршлага судлах, багийн спортын түлхүү хөгжүүлэх чиглэлээр хамтын ажиллагаагаа бэхжүүлэхээр тохиролцлоо.