Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадмыг тохиолдуулан МУ-ын Ерөнхийлөгчийн зарлигаар өнөөдөр нэр бүхий хүмүүс төрийн дээд одон медаль гардаж энгэрээ мялаалаа.

Барилга, хот байгуулалт газрын харилцаа геодези зураг зүйн салбарт үр бүтээлтэй ажилласан нэр бүхий хүмүүст МУ-ын Ерөнхийлөгчийн зарлигаар Хөдөлмөрийн гавьяаны улаан тугийн одон, Алтан гадас одон, Хөдөлмөрийн хүндэт медаль олгохоор болж, сайд Ц.Баярсайхан шагналыг нь гардуулж өглөө.

ГХГЗЗГ-ын мэдээллийн төвийн дарга Д.Оюунчимэг, Газрын шинэтгэлийн хорооны ажилтан Б.Түмэнжаргал нар Хөдөлмөрийн гавьяаны улаан тугийн одонгоор, БХБЯ-ны СБТГ-ын дарга Г.Мэргэнбаяр, ГХГЗЗГ-ын Геодезийн хэлтсийн ахлах мэргэжилтэн Б.Алтантуяа нар Алтан гадас одонгоор БХБЯ-ны ХБГХБХЗГ-ын дарга Ц.Баярбат,  ГХАХ-ны ахлах мэргэжилтэн А.Лхамсэржид нар Хөдөлмөрийн хүндэт медалиар шагнуулав.